ङादी ग्रुप पावरले यो बर्षमा लगानी गतबर्षको यसै अवधिको तुलनामा ५७.८७ प्रतिशतले बढेर आठ करोड पाँच लाख १६ हजार रुपैयाँ पुर्याएको छ । गत बर्ष कम्पनीले पाँच करोड १० लाख रुपैयाँ लगानी गरेको थियो ।
जलविद्युत्त कम्पनिको चुक्ता पूँजी ४८ करोड ६८ लाख ६८ हजार रुपैयाँ रहेको छ । यस अवधिमा संचालन नाफा सामान्य बढेर आठ करोड ८६ लाख तीन हजार रुपैयाँमा कमाएको छ । कम्पनीको जगेडाकोष गत बर्ष यसै अवधिमा ३५ लाख दुई हजार रुपैँया रहेकामा यो बर्ष चार करोड १७ लाख रुपैयाँ पुगेको छ ।
कम्पनिको विद्युत्त विक्रीबाट हुने आम्दानी समिक्षा अवधिमा २१ लाख ५० हजार रुपैयाँ घटेर १० करोड ४३ लाख ९२ हजारमा आएको छ । कम्पनीले सञ्चालनमा ल्याएको पाँच मेगावाट क्षमताको सिउरी खोला जलविद्युत आयोजनाबाट सुख्खायामको कारण पुर्ण रुपमा सत्तचालन नभएका कारण नाफामा कमी आएको बताएको छ ।
कम्पनीले गतबर्ष अन्य आम्दानी ३१ लाख ४२ हजार रहेकोमा यो बर्ष उल्लेख्य बढाएर ८० लाख पाँच हजार कमाएको छ । कम्पनीको चालु सम्पत्ति ११ करोड २१ लाख तथा चालु दायित्व चार करोड ३९ लाख रहेको छ ।
कम्पनीको प्रतिसेयर आम्दानी वार्षिक ११.१३ रुपैयाँ, प्रतिसेयर नेटवर्थ १०८.५७ रुपैयाँ,मुल्य आम्दानी अनुपात २६.४३ गुणा र तरलता अनुपात २.५५ प्रतिशत रहेको छ ।
लमजुङ जिल्लामा ५ मेगावाटको आयोजना निर्माण गरेको कम्पनीले आयोजनाको कुल चुक्ता पूँजीको १० प्रतिशत लमजुङका स्थानीय बासीन्दा र सर्वसाधरण लगानीकर्तालाई २० प्रतिशत शेयर बेचेको थियो । कम्पनीले लमजुङमा पाँच मेगावाट क्षमताको सिउरी खोला जलविद्युत आयोजना निर्माण गरिसकेको छ । यो आयोजनाबाट विद्युत उत्पादन गरिरहेको छ ।
....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
