बुधबार कारोबार खुल्ना साथ निरन्तर ओरालो लागेको बजार कारोबार बन्द हुन भन्दा डेढ घण्टा अगाडि बाट सुधारीएको हो ।
यसदिन नेप्से ३.०७ अंकले बढेर १६२९.५८ विन्दुमा आइपुगेको छ । समग्रमा नेप्से ०.१९ प्रतिशतले बढेको हो ।
यस दिन कुल १४८ कम्पनीको १३ लाख ६६ हजार कित्ता सेयर ६९ करोड ४४ लाख रुपैयाँभन्दा बढीको सेयर कारोबार भएको छ । कारोबार रकम अघिल्लो दिनको तुलनामा ९ करोडले कम हो ।
यसदिन समग्र बजार पूँजीकरण १८ खर्ब ९८ अर्ब कायम भएको छ ।
बुधबारको बजारमा सबैभन्दा धेरै ललितपुर फाइनान्सको संस्थापक सेयरको सबैभन्दा धेरै ५ करोड बढीको कारोबार भयो । सिद्धार्थ बैंक र हिमालयन जनरल इन्स्योरेन्सको पनि चार करोड बढीको कारोबार भयो ।
यसदिन आरएसडिसि लघुवित्त र हिालयन डिष्टलरीको सेयरमूल्य झण्डै दश प्रतिशतले बढेको छ । नेशनल माइक्रोफाइनान्स, सिनर्जी फाइनान्स तथा नयाँ नेपाल लघुवित्त लगायतको सेयरमूल्य बढेको छ ।
बरुण हाइड्रको सेयरमूल्य सबैभन्दा धेरै पाँच प्रतिशतले घटेको बजारमा अरुण फाइनान्स, श्री इन्भेष्टमेन्ट फाइनान्स, सप्ताकोशी डेभलपमेन्ट बैंक तथा सिनर्जी हाइड्रो लगायतका कम्पनीको सेयरमूल्य घटेको छ ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।