मल्टिपर्पस फाईनाइन्स कम्पनीले आठ लाख ३८ हजार रुपैयाँ बराबरको खराबकर्जा उठाएको छ । खराब कर्जा असुली तथा खुद ब्याज आम्दानीमा उल्लेख्य वृद्धि भएपछि कम्पनी भारी मात्रामा घाटा घटाएर नाफा कमाउन सफल भएको छ ।
गत आर्थिक वर्षको चैत मसान्तमा व्यहोरेको ६२ लाख ७९ हजार रुपैँया नोक्सानलाई अहिले नाफामा परिणत गरेको छ । वित्तीय कृयाकलाप सुधार गर्ने क्रममा फाइनान्सले चालु आर्थिक वर्षको नौ महिनाको अवधिमा खुद नाफा बढाएर ४३ लाख ३८ हजार रुपैयाँ खुद नाफा कमाएको छ ।
चार करोड १४ लाख ७३ हजार रुपैयाँ चुक्ता पूँजी रहेको फाइनान्सको जगेडाकोषमा एक करोड १७ लाख २२ हजार रुपैयाँ सञ्चित हुन पुगेको छ । यस अवधिमा फाईनाइन्सले १४ करोड ५२ लाख रुपैँया निक्षेप संकलन गरि एक करोड ५५ लाख रुपैँया कर्जा परिचालन गरेको छ ।
गत वर्ष फाइनान्सले आठ लाख तीन हजार रुपैयाँ ब्याज घाटा व्यहोरेको कम्पनीले चालुआर्थिक बर्षको नौ महिना अवधिमा व्याज आम्दानी बढाएर ८३ लाख रुपैयाँ कमाउन सफल भएको छ भने ८१ लाख ७५ हजार सञ्चालन घाटामा रहेको कम्पनी ६० लाख ४७ हजार नाफामा पुगेको छ ।
फाईनाइन्सको प्रतिशेयर आम्दानी बार्षिक १३ रुपैँया ९५ पैसा र पूँजीकोष अनुपात ३५.५७ प्रतिशत रहेको छ ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
