देवःले यसअघि बैशाख २८ देखि जेठ ४ गतेसम्म शिलबन्दी बोलपत्रबाट बैंकको साधारण सेयर सबै बिक्रि गरेपनि संस्थापक समुहको सेयर सबै नबिकेपछि फेरी लिलामी खोलेको हो ।
यसअघि बैंकले संस्थापक समूहको तीन लाख ८३ हजार दुई सय ९७ दशमलव ३८ कित्ता र साधारण समूहको दुई लाख ३४ हजार तीन सय ९८ दशमलव ३९ कित्ता सेयरमा लिलामी खोलेको थियो । जसमा सबै साधारण सेयर विक्री भएपनि संस्थापक समुहको सेयर भने २७ हजार कित्ता मात्र विक्री भएपछि देव विकास बैंकलाई संस्थापक सेयर बेच्न सकस परेको हो ।
धितोपत्र बजारमा साधारण सेयर जस्तै ब्रोकरहरुबाट सिधै विक्री गर्न नमिल्ने भएका कारण प्राय बैंकहरुको संस्थापक सेयरमा साधारण लगानीकर्ताको त्यति रुचि रहेको देखिँदैन ।
बैंकको सेयर रजिष्टार एनआईबीएल क्यापिटल मार्केट्स रहेको छ । ईच्छुक लगानीकर्ताले न्युनतम एकसय कित्तादेखि दश कित्ताको गुणंकमा सबै कित्ताका लागि विक्री प्रवन्धक एनआईबीएल क्यापिटल मार्केट्समा आवेदन दिन सक्नेछन् ।
लगानीकर्ताले एकसय रुपैयाभन्दा बढि अंकित मूल्य राखेर बढाबढमा आवेदन गर्न सक्नेछन् । बढि मूल्यमा माग गर्नेलाई सेयर प्रदान गरिनेछ । यसअघिको लिलामीमा निकै कम मात्रामा लिलामी विक्री भएका कारण लगानीकर्ताले एक सय रुपैयाँमा नै बैंकको संस्थापक सेयर पाउनसक्ने अवस्था देखिन्छ ।
बोलपत्र असार २ गते एनर्आबिएल क्यापिटलमा विहान ११ बजे खुल्ला गरिने जनाएको छ । मागभन्दा बढि आवेदन परेमा असार ९ गतेबाट सेयर नपरेको रकम फिर्ता गर्ने बैंकले जनाएको छ ।
बैंकले गत माघ ९ देखि फागुन २७ गतेसम्म खुला गरेको हकप्रद सेयर जारी गरेको थियो ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
