माछापुच्छ्रे बैंकले चुक्ता पूँजीको १२ प्रतिशत अर्थात विद्यमान १० कित्ता बराबर एक दशमलव दुई कित्ताको अनुपातमा प्रतिकित्ता १०० रुपैयाँ दरको ७९ लाख १८ हजार ४४० कित्ता हकप्रद सेयर बिक्री गर्न सेयरधनी किताब बन्द गर्ने मिति तोकेको हो ।
बैंकको हकप्रद एनएमबि क्यापिटल लिमिटेडले बिक्री गर्देछ । हाल बैंकको चुक्ता पुँजी ६ अर्ब ५९ करोड ८७ लाख रुपैयाँ रहेको छ । हकप्रद बिक्री पछि बैंकको चुक्ता पूँजी ७ अर्ब ३९ करोड रुपैयाँ नाघ्नेछ । बैंकले चालु आर्थिक वर्षको तेस्रो त्रैमासमा एक अर्ब ५१ लाख ५२ हजार रुपैयाँ खुद नाफा कमाएर प्रतिसेयर आम्दानी २४ रुपैयाँ ६९ पैसा र प्रतिसेयर नेटवर्थ १२६ रुपैयाँ ६० पैसा कायम गरेको छ । बैंकको सेयर नेप्सेमा आईतबार प्रतिकित्ता ४१५ रुपैयाँ हाराहारीमा कारोबार भएको छ ।
उता सिद्धार्थ बैंकले १ अर्ब ५७ करोड ५२ लाख ५७ हजार ८१३ रुपैयाँको १ करोड ५७ लाख ५२ हजार ५७८ कित्ता हकप्रद सेयर जारी गर्नेछ । हाल बैंकको चुक्ता ५ अर्ब २५ करोड ८ लाख ५९ हजार रुपैयाँ छ । ३० प्रतिशत हकप्रदपछि बैंकको चुक्ता पूँजी ६ अर्ब ८२ करोड ६१ लाख रुपैयाँ पुग्नेछ ।
बैंकको हकप्रद लक्ष्मी क्यापिटल मार्केट लिमिटेडले बिक्री गर्देछ । चालु आर्थिक वर्षको तेस्रो त्रैमासमा बैंकले ९५ करोड ७० लाख १४ हजार रुपैयाँ खुद नाफा कमाएको छ । सिद्धार्थको प्रतिसेयर आम्दानी २४ रुपैयाँ ३० पैसा ( बार्षिक) र प्रतिसेयर नेटवर्थ १५३ रुपैयाँ ७६ पैसा छ । बैंकको सेयर नेप्सेमा आईतबार प्रतिकित्ता ६७५ रुपैयाँ हाराहारीमा कारोबार भएको छ ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
