वैठकमा बोल्दै नेपाली काँग्रेसका बिधायक प्रदीप गिरीले नीति तथा कार्यक्रम वर्तमान राजनीतिक समस्या समाधानमुखी भएको बताएका थिए । प्रजातन्त्रमा सबैलाई समेट्न सके मात्र व्यवस्था दिगो हुने बताउँदै गिरीले मधेस समस्या समाधानका लागि नीति कार्यक्रमको दायरा फराकिलो र सकारात्मक भएको बताए ।
प्रमुख प्रतिपक्षी नेकपा एमाले सहितका दलका सांसदहरुले नीति तथा कार्यक्रममा बारेमा धाराणा राखेका थिए । नीति तथा कार्यक्रमका बारेमा नेकपा (एमाले)का तर्फबाट रेवतीरमण भण्डारीले संसदमा धारणा राखेका थिए ।
नीति तथा कार्यक्रम चालु आर्थिक वर्ष कै निरन्तरता भएको उल्लेख गर्दैै सांसद भण्डारीले यसले वर्तमान अवस्थामा मुलुकमा सबैलाई एक ढिक्का बनाएको र कोही पनि पक्ष विपक्ष नभएको बताए । सरकारले विद्युतभार कटौती अन्त्य र आर्थिक वृद्धिमा प्राप्त गरेको सफलता सकारात्मक भएको उल्लेख गर्दै उनले नीति तथा कार्यक्रममा जनतामा विश्वास जगाउने कुरा आएको बताएका थिए ।
नेकपा (माओवादी केन्द्र) की रेखा शर्माले स्थानीय तहको निर्वाचनमार्फत सिंहदरबारको अधिकार गाउँ नगरसम्म पुर्याउने कार्य प्रशंसायोग्य भएको उल्लेख गर्दै आर्थिक वृद्धिदर र उज्यालो नेपाल स्वागतयोग्य रहेको बताइन । छलफलमा राप्रपाका परशुराम तामाङले र सङ्घीय समाजवादी फोरम नेपालका डिलबहादुर नेपालीले लगायतले धारणा राखेका थिए ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।
