उपप्रधान एवं अर्थमन्त्री कृष्णबहादुर महराले अब केही बेरमा पौने १३ खर्ब रुपैयाँको बजेट संसदमा प्रस्तुत गर्दैछन्।
सरकारले आगामी आव २०७४/७५ को लागि १२ खर्ब ७८ अर्बको बजेट प्रस्तुत गर्ने भएको छ । जून आकार चालु आवको भन्दा करिब २२ प्रतिशतले बढी हो ।
गत वर्ष सरकारले १० खर्ब ४८ अर्बको बजेट प्रस्तुत गरेको थियो ।
सरकारले ७ सय ४४ स्थानीय तहको लागि एकमुष्ठ रुपमा २ खर्ब १५ अर्ब रुपैयाँ अनुदान दिने भएको छ । एउटा गाँउपालिकाले भने कम्तिमा १० करोड रुपैयाँ पाउने गरि बजेट बनाइएको छ ।
स्थानीय तहको द्रोस्रो चरणको निर्वाचन बाँकी नै रहेकाले सरकारले निर्वाचन आचार संहिताको कारणले बजेटमा नयाँ कार्यक्रम ल्याउने छैन।
गत आर्थिक बर्ष सुरु भएका कार्यक्रम, पुनर्निर्माण र स्थानीय निकायलाई अनुदानमा बजेट छुट्याइएको छ।
आगामी आर्थिक वर्ष ८ खर्ब १७ अर्ब रुपैयाँ राजस्व उठाउने बजेटको लक्ष्य छ । त्यसैगरी, २ खर्ब १४ बैदेशिक ऋण तथा सहायताबाट, १ खर्ब १५ र्अ रुपैयाँ आन्तरिक ऋणबाट उठाउने सरकारको लक्ष्य छ ।