बैंकले मर्जर वा अन्य विकल्पतिर नलागि हकप्रदबाटै चुक्ता पूँजी पुर्याउने उदेश्यका साथ विशेष साधारणसभा डाकेको हो । यसअघि बैंकले गत फागुन २१ गते विशेष साधारणसभा बोलाएको थियो ।
नेपालगञ्जमा प्रधान कार्यालय रहेको बैंकले दुई सय पच्चिस प्रतिशत हकप्रद अर्थात एक कित्ता बराबर दुई दशमलव २५ कित्ता हकप्रद जारी गर्न लागेको हो । हाल बैंकसँग १५ करोड १० लाख रुपैँयाको चुक्ता पूँजी रहेको छ हकप्रद निष्काशन पश्चात बैंकको चुक्ता पूँजी ४९ करोड सात लाख पुग्नेछ ।
बैंकको छैटौं बार्षिक साधारणसभाले १५ करोड १० लाख रुपैँयाको चुक्ता पूँजीको आठ प्रतिशत (एक करोड २० लाख ८० हजार रुपैयाँ) बोनस प्रस्ताव पारित गरेको छ । राष्ट्र बैंकले एक देखि तीन जिल्ला कार्यक्षेत्र भएको विकास बैंकको चुक्ता पूँजी २०७४ असार मसान्तसम्म ५० करोड पुर्याउन निर्देशन गरेको अनुसार बोनसपछि बैंकको चुक्ता पूँजी ५० करोड २८ लाख पुग्नेछ ।
बैंकले चालु आर्थिक बर्षको तेस्रो त्रैमासमा ३८ लाख तीन हजार खुद नाफा कमाएको कर्णालीको निष्कृर्य कर्जा अनुपात ४.७२ प्रतिशत रहेको छ । बैंकको प्रतिसेयर आम्दानी चैत मसान्तसम्म मात्र २.५२ रुपैयाँ रहेको छ । २२५ प्रतिशत हकप्रद जारी गरेपछि बैंकको प्रतिसेयर आम्दानी निकै घट्नेछ । त्यसकारण बैंकले आम्दानीको क्षेत्र पहिचान गरि उल्लेख्य बढाउनुपर्ने देखिन्छ । पूँजी बढेअनुसार आम्दानी बढाउन नसक्ने बैंक तथा वित्तिय संस्थाको सेयर महँगो मूल्यमा किन्दा लगानीकर्ताले यसअघिको कम्पनीको वित्तिय अवस्था अध्ययन गरेर मात्र लगानी गर्नु श्रेयकर हुन्छ ।