वैदेशिक रोजगारीमा गएका युवाहरुले पठाएको रकम उत्पादनमुलुक क्षेत्रमा लगानी गर्ने उदेश्यले सरकारले यस्तो व्यवस्था गरेको अर्थमन्त्री महराले जानकारी दिए । सरकारले यस्तो रेमिट्यान्स जलविद्युत लगायतका क्षेत्रमा लगानी गर्ने योजना अघि सारेको छ ।
विदेशमा गएका युवाहरुले अनिवार्य रुपमा बैंक खातामा रेमिट्यान्स पठाउन समेत प्रोत्साहन गरेको छ ।
कामदारले पठाएको विपे्रषणलाई सदुपयोग गर्ने उद्देश्यले उनीहरुलाई सहभागी गराएर ‘रेमिट हाइड्रो’ लगायत उत्पादनमूलक क्षेत्रमा लगानी गर्न प्रोत्साहन गर्नेसमेत बजेटमा उल्लेख छ ।
सीप विकास तालिमलाई प्राथमिकता दिइने, सीप लिएकाहरुलाई आयआर्जनका कार्यक्रम गर्न स्रोत उपलब्ध गराइने, रोजगार र स्वरोजगारका माध्यमबाट रोजगारीमा पहुँच वृद्धि गरिने र सीपमूलक तालिम लिएकाहरुलाई सहुलियत दरमा पुँजी उपलब्ध गराइने बजेटमा उल्लेख छ ।
