जस अनुसार कम्पनीले अंकित मूल्य एक सय रुपैयाँमा प्रिमियम बापत ४१८ रुपैयाँ थपगरी प्रतिकित्ता ५१८ रुपैयाँमा एफपीओ निष्काशन गर्ने प्रस्ताव गरेको छ । कम्पनीको सोमबार बसेको संचालक समितिको बैठकले सो मूल्य प्रस्ताव गरेको जनाएको छ ।
कम्पनीले ४० लाख ८१ हजार कित्ता नयाँ सेयर निष्काशनका गर्देछ । गत आसार २७ गते सम्पन्न कम्पनीको साधारणसभाले सो निर्णय गरेको थियो। जसमध्ये ५ प्रतिशत बराबर अर्थात आँधिखोला जलविद्युत केन्द्र र झिमरुक जलविद्युत केन्द्र आसपासका स्थानीयलाई २ लाख ४ हजार ५० कित्ता छुट्याएको छ ।
यसअघि कम्पनीले प्रिमियम सहित ४७० रुपैयाँमा एपपीओ जारी गर्ने प्रस्ताव गरेको थियो ।
कम्पनीले बिक्री प्रबन्धकको जिम्मा एनएमबी क्यापिटल तथा लक्ष्मी क्यापिटललाई दिई सकेको छ ।
एफपिओबाट संकलित रकम कम्पनीले निमार्ण सुरु गरेका आयोजनामा लगानी गरिने बताइएको छ । कम्पनीले ३० मेगवाटको न्यादी जलविद्युत आयोजना र ३७ दशमलव छ मेगावाटको काबेली ए जलविद्युत आयोजना निमार्ण गर्ने घोषण गरेको छ । यी आयोजना विदेशी साझोदार तथा स्वदेशी साझेदारसँगको सहकार्यमा सन् २०२० सम्म सम्पन्न गर्ने कम्पनीको लक्ष्य रहेको छ ।
साथै बीपीसी एक सय मेगावाटको मनाङमस्र्याङ्दी आयोजनाको अनुमति लिने क्रममा रहेको छ भने ८५ मेगावाटको चिनीखोला साना जलविद्युत आयोजना सम्भाब्यता अध्ययन पुरा गरिसकेको छ ।
कम्पनीले गत चैत १३ गते नै एफपीओ निष्काशनको अनुमति माग्दै धितोपत्र बोर्डमा आवेदन गरेको थियो ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।