सिद्धार्थ बैंकले १० कित्ता बराबर तीन कित्ताको अनुपातमा १ करोड ५७ लाख ५२ हजार पाँच सय ७८ दशमलव १३ कित्ता सेयर बिक्री गर्न लागेको हो । हाल बैंकको चुक्ता पूँजी ५ अर्ब २५ करोड रुपैयाँ रहेको छ । ३० प्रतिशत हकप्रदपछि बैंकको चुक्ता पूँजी ६ अर्ब ८२ करोड ६१ लाख रुपैयाँ पुग्नेछ ।
बैंकले हकप्रद निष्काशनका लागि लक्ष्मी क्यापिटल मार्केटलाई बिक्री प्रबन्धकको जिम्बेवारी सुम्पेको छ । सेयरधनीहरुले विक्री प्रबन्धक लक्ष्मी क्यापिटल, सिद्धार्थ बैंकको केन्द्रिय कार्यालय हात्तिसार लगायत देशभरीका सिद्धार्थ बैंकको शाखा कार्यालयबाट हकप्रदमा आवेदन दिन सक्नेछन् । जेठ २५ गते खुला भएको बैंकको हकप्रद असार २८ गते बन्द हुनेछ ।
बैंकको गत फागुन ५ गतेको साधारणसभाले ३० प्रतिशत हकप्रदको प्रस्ताव पारित गरेको थियो ।
चालु आर्थिक वर्षको तेस्रो त्रैमासमा सिद्धार्थले ९५ करोड ७० लाख रुपैयाँ खुद नाफा कमाएर प्रतिसेयर आम्दानी वार्षिक २४ रुपैयाँ ३० पैसा कायम गरेको छ । बैंकको सेयर नेप्सेमा बुधबार प्रतिकित्ता ५३२ रुपैयाँ हाराहारीमा कारोबार भएको छ ।
.....मेरो लगानी डटकमको सह-प्रकाशन nepaljournal.com हेरेर प्रतिक्रिया तथा सुझाब दिनुहोला।