‘आर्थिक वृद्धिदर बढाउन सफल भएर नै अन्तर्राष्ट्रिय जगतको बधाई पाएँ’
नेपाल राष्ट्र बैंकका गर्भनर डा. चिरञ्जीवी नेपालले प्रभावशाली व्यक्तिहरुको संलग्नताले अनौपचारिक क्षेत्रको आर्थिक गतिविधि नियमन गर्न कठिन भएको बताएका छन् । साथै उनले आफ्नो कार्यकालमा २३ वर्ष यताको उच्च आर्थिक वृद्धिदर हासिल भएको दाबी समेत गरेका छन् ।

इन्नोभेटिभ डेभलपमेन्ट बैंक र अरनिको डेभलपमेन्ट बैंकलाई गाभेको सेञ्चुरी बैंकको एकीकृत कारोबार सुरुवातको कार्यक्रममा गभर्नर नेपाललले यस्तो बताएका हुन् । उनले पहुँवाला व्यक्तिहरु बैंकिंग क्षेत्रमा रहेका कारण नै यस अघि पूँजी वृद्धिको विषयलाई लिएर बखेडा उत्पन्न गराइएको बताएका थिए ।

आफुलाई फाईदा नपुग्ने निर्णय भए अरुले गरेको कुराहरु नकरात्मक भन्दै विरोध गर्ने प्रवृत्तिका कारण त्यस्ता व्यक्तिहरुले पूँजीवृद्धिको निर्णयको गम्र्भियता नबुझेको उनको जिकिर थियो । जसका कारण आफुले संसदमा पुगेर समेत जवाफ दिनुपरेको गभर्नरले स्मरण गरे ।

राष्ट्र बैंकले स्थानीय राष्टिय स्तर दुबैलाई हेरेर नीति बनाएको भन्दै गर्भनर नेपालले दिर्घकालिन रुपमा नै असर गर्ने गरी नीति ल्याएको स्पष्ट पारे । उनले कृष्णबहादुर मानन्धरको पालामा नै अन्र्तराष्टिय स्तरमा नेपालको बैंकहरुको पूँजी थोरै भएको कुरा उठाएपनि दुई बर्षअगाडि पूँजी वृद्धिको निर्णय आफुले कार्यान्वयन गरेको बताए । उनले धेरै हदसम्म पूँजीवृद्धि गरेर नीतिगत रुपमा सफलता प्राप्त गरेको बताए ।

नेपालले आफ्नो कालमा सबैभन्दा बढि ६.९ प्रतिशत आर्थिक वृद्धिदर कायम गरेको बताउँदै अन्तराष्ट्रिय स्तरबाट समेत आफुले बधाई पाएको बताए । आफ्नो कार्यकालमा आर्थिक कृयाकलाप बढेका कारण आर्थिक वृद्धिदर बढेको उनको भनाई थियो ।

ग्रामीण क्षेत्रका ६० प्रतिशत जनता औपचारिक बैंकिङ्ग क्षेत्रमा आउन नसकिरहेको भन्दै संघियता पछिको नयाँ सम्भावित स्थानमा पुग्न बैंकहरुलाई सुझाव दिए । प्रत्येक स्थानिय तहमा पहिले पुग्ने बैंककलाई सरकारी कामको जिम्मेवारी दिने व्यवस्था भए अनुसार अरु धेरै अवसर नगुमाउन बैंकहरुलाई सुझाव दिएका हुन् ।

बाफिया अनुसार सञ्चालक समिति सानो आकारको बनाउन निर्देशन दिए । राष्ट्र बैंकले बैंकका सञ्चालकहरुलाई पाठ्यक्रम बनाएर नै प्रशिक्षण दिन लागिएको बताए । उनले गलत कार्य गरेमा बाफियाले सञ्चालकलाई समेत आर्कर्षित गर्ने भएकाले जिम्वेवार भएर जनताको निक्षेपको सुरक्षित हुनेगरी कायै गर्न निर्देशन समेत दिए ।