नेप्सेले कम्पनीको आईतबारको सेयरमूल्यको तुलनामा ८८ रुपैयाँ घटाएर १०९९ रुपैयाँ समायोजित सेयरमूल्य निर्धारण गरेको हो । कम्पनीको सेयर नेप्सेमा आईतबार ११८७ रुपैयाँमा कारोबार भएको थियो । यसअनुसार इन्स्योरेन्स कम्पनीको सोमबार पहिलो कारोबार १०९९ बाट सुरुवात हुनेछ । गुँरास लाईफ इन्स्योरेन्सको औषत आधार मूल्य भने ७४६ रुपैयाँ रहेको छ ।
इन्स्योरेन्स कम्पनीले असार ९ गते साधारणसभामा आठ प्रतिशत बोनस र ५० प्रतिशत हकप्रद जारी गर्ने लगायतका प्रस्तावहरु लैजाँदैछ ।
हाल कम्पनीको चुक्तापूँजी ५५ करोड रुपैयाँ रहेको छ । आठ प्रतिशत बोनसपछि कम्पनीको पूँजी ५९ करोड ४० लाख रुपैयाँ पुग्नेछ । कम्पनीले बोनसपछि ५० प्रतिशत हकप्रद जारी गर्देछ ।
बोनस पश्चात ५० प्रतिशत हकप्रद जारी गरेपछि कम्पनीको पूँजी ८९ करोड १० लाख रुपैयाँ पुग्नेछ । बीमा समितिको निर्देशन अनुसार लाइफ इन्स्योरेन्स कम्पनीले ०७५ अषाढसम्ममा दुई अर्ब चुक्तापूँजी पुर्याउनुपर्ने हुन्छ ।
कम्पनीले चालु आर्थिक बर्षको तेस्रो त्रैमाससम्ममा दुई करोड ८८ लाख रुपैयाँ खुद नाफा कमाएको छ । यस अवधिमा कम्पनीले कुल बीमा शुल्क तीन अर्ब ८९ करोड उठाएको भने जगेडा कोषमा २१ करोड तथा बीमा कोषमा दुई अर्ब ७७ करोड रुपैयाँ रहेको छ ।
