कम्पनीको हाल चुक्ता पूँजी ३८ करोड रहेकोमा हकप्रद बिक्री गरेपछि एक अर्ब २ करोड नाघ्ने छ । हकप्रद बिक्रीमा आउने भयो भन्दैमा उचालिएर सेयर किन्नु नहुने जानकारहरु बताउँछन् ।
चार अर्ब ३७ करोड दावी भुक्तानी गर्न बाँकी रहेको कम्पनीले यस आर्थिक बर्षको तेस्रो त्रैमाससम्म १२ करोड खुद नाफा गरेको छ ।
यस कम्पनीको हकप्रद निश्काशन तथा बिक्री प्रबन्धकमा एनएमबी क्यापिटल रहेको छ ।
प्रभु बैंक, मक्तिनाथ बिकास बैंक, लुम्बिनी जनरल ईन्स्योरेन्सलगायतका कम्पनीहरु हकप्रद बिक्री गर्न बोर्डको स्वीकृतिको पखाईमा रहेका छन् । सिभिल, मेगा, एनसीसी लगायतका बैंकहरु हकप्रदका लागि धितोपत्र बोर्ड जानै बाँकी छ ।
नियमनकारी निकायबाट तोकिएको चुक्ता पूँजी कायम गर्नुपर्ने भएकाले बैंक तथा बित्तीय संस्थाहरु त चर्को दबाबमा छन् नै, बीमा कम्पनीहरुलाई पनि पूँजी बढाउने उत्तिकै चटारो छ ।
डेढ महिना अघि ३३.३३ प्रतिशत हकप्रदको स्वीकृति पाएको एभरेष्टले बल्ल हकप्रद बिक्री गर्न सेयरधनी दर्ता किताब बन्दको सूचना निकालेको छ ।
