अहिले ज्योति विकास बैंकले एक बराबर एक अनुपातमा हकप्रद सेयर निष्काशन गरिरहेको छ । त्यसै गरी फर्स्ट माइक्रोफाइनान्सले ५० प्रतिशत तथा सिद्धार्थ इन्स्योरेन्सले प्रति ५.२ कित्ता बराबर एक कित्ता हकप्रद सेयर निष्काशन गरिरहेका छन् । तीनवटै कम्पनीको हकप्रद निष्काशन आजबाट बन्द हुँदैछ । तपाईसँग यी कम्पनीको सेयर छ भने हकप्रद भर्न नछुटाउनुहोस् ।
ज्योती विकास बैंकको हकप्रद विबरण थाहा पाउन यो लिंकमा जानु होस् । त्यसै गरी ज्योति विकास बैंकको हकप्रदको आवेदन फारम यहाँबाट डाउनलोड गर्न सकिन्छ ।
फर्स्ट माइक्रोफाइनान्सको हकप्रदको विबरण यहाँबाट थाहा पाउनु होस् । माइक्रोफाइनान्सको हकप्रदको आवेदन फारम यहाँबाट डाउनलोड गर्न सकिन्छ ।
सिद्धार्थ इन्स्योरेन्सको हकप्रदको आवेदन फारम यहाँ उपलब्ध छ ।
उता कञ्चन डेभलपमेन्ट बैंकले बिहीबारदेखि सेयरधनी पुस्तिका बन्द गर्दैछ । बैंकले हाल कायम चुक्ता पूँजीको ३० प्रतिशत हकप्रद निष्काशन गर्नका लागि असार एक गते बिहीबार सेयरधनी पुस्तिका बन्द गर्न लागेको हो ।
बैंकको हकप्रद सुरक्षित गर्न चाहनेले बुधबार नै सेयर खरिद गर्नु पर्ने हुन्छ ।
बिहीबार बैंकको हकप्रद मूल्य समायोजन हुनेछ । बिहीबार पछि बैंकको सेयर खरिद गर्नेले हकप्रद भर्न पाउने छैनन् ।
कञ्चनपुरमा केन्द्रिय कार्यालय रहेको बैंकको चुक्ता पूँजी ३४ करोड ६५ लाख रुपैयाँ रहेको छ । हकप्रद बिक्रीपछि बैंकको चुक्ता पूँजी ४५ करोड चार लाख रुपैयाँ पुग्नेछ । राष्ट बैंकले तोकेको पूँजी पुर्याउन बैंकले थप चार करोड ९६ लाख रुपैयाँ पूँजी बिस्तार गर्नु पर्ने हुन्छ ।
