‘कुमारी बैंक लिमिटेड’को नामबाट एकीकृत कारोबार सुरु गर्न लागिएको कुमारी बैंकले जनाएको छ । गत जेठ १७ गते नेपाल राष्ट्र बैंकबाट विलयको अन्तिम स्वीकृति पाएको बैंकले कम्पनी रजिष्ट्रारको कार्यालयबाट असार एक गते स्वीकृति पाएको थियो । विलय पुरा भए पछि कुमारी बैंकको दरबारमार्गमा रहेको स्थानमा नै मुख्य कार्यालय रहने बताइएको छ ।
५० प्रतिशत हकप्रद, गत आर्थिक वर्षको बोनस र विलय पश्चात कुमारी बैंकको चुक्ता पूँजी पाँच अर्ब ९७ करोड रुपैंया पुगेको छ । गत चैत नौ गते सम्पन्न साधारण सभाले उल्लेखित चुक्ता पूँजी तयार गरी एक अर्ब १९ करोड रुपैंया बराबरको हकप्रद निष्काशन गर्ने प्रस्ताव पारित गरिसकेको छ । उक्त हकप्रद निष्काशन पश्श्चात बैंकको चुक्ता पूँजी सात अर्ब १६ करोड रुपैंया नाघ्ने छ । राष्ट्र बैंकले तोकेको पूँजी पुर्याउन बैंकले झण्डैं ८४ करोड रुपैंया बराबरको पूँजी थप गर्नु पर्छ ।
गत चैत मसान्तसम्ममा बैंकको चुक्ता पूँजी तीन अर्ब २६ करोड ६० लाख रुपैंया हाराहारीमा थियो ।
नेपाल धितोपत्र बोर्डले गरेको पछिल्लो व्यवस्था अनुसार कुमारीले आफुमा विलय भएका अन्य संस्थाको सेयर कारोबार असार २८ गतेसम्ममा खुलाई सक्नु पर्छ ।