बीमा समितिले बीमा कम्पनीको चुक्ता पूँजी चार गुणाले बढाउने निर्णय गरेसँगै पूँजी वृद्धिको चटारोमा रहेका बीमा कम्पनीहरु हकप्रद निष्काशनका लागि धितोपत्र बोर्ड चाहार्न थालेका हुन् । यस क्रममा एशियन लाइफ इन्स्योरेन्स हाल कायम चुक्ता पूँजीको ५० प्रतिशत हकप्रद अनुमति माग्दै धितोपत्र बोर्ड पुगेको हो ।
गत आर्थिक वर्षको कमाईबाट २० प्रतिशत बोनस बितरण गरि चुक्ता ८० करोड ५५ लाख रुपैंया पुर्याएको इन्स्योरेन्सले ४० करोड २७ लाख रुपैंयाको हकप्रद अनुमति मागेको हो । उक्त हकप्रद निष्काशन पश्चिात कम्पनीको चुक्ता पूँजी एक अर्ब २० करोड ८३ लाख रुपैंया पुग्नेछ ।
जीवन बीमा कम्पनीका लागि तोकिएको पूँजी दुई अर्ब रुपैंया पुर्याउन कम्पनीले थप सवा ७९ करोड रुपैंया पूँजी बिस्तार गर्नु पर्ने हुन्छ ।
उता लुम्बिनी जनरल इन्स्योरेन्सले धितोपत्र बोर्डबाट शतप्रतिशत हकप्रद निष्काशन गर्न स्वीकृति पाएको छ । बोर्डले इन्स्योरेन्स कम्पनीलाई ३९ करोड रुपैंयाको हकप्रद निष्काशनको अनुमति दिएको हो । हाल ३९ करोड रुपैंया चुक्ता पूँजी रहेको इन्सयेरेन्सको हकप्रद निष्काशन पश्चात चुक्ता पूँजी ७८ करोड रुपैंया पुग्नेछ ।
बीमा समितिले तोकेको निर्जीवन बीमा कम्पनीको चुक्ता पूँजी एक अर्ब रुपैंया पुर्याउन कम्पनीले २२ करोड रुपैंया पूँजी थप गर्नु पर्ने हुन्छ ।