कम्पनीले हकप्रद सेयर जारी गर्न ग्लोबल आइएमई क्यापिटललाई बिक्री प्रबन्धक तोकेको छ । हकप्रदमा उपत्यका भित्र विक्री प्रबन्धक ग्लोबल आइएमई क्यापिटल, एनबि इन्स्योरेन्सको केन्द्रिय कार्यालय नक्साल, शाखा कार्यालयहरु गोंगबु, कलंकी, कोटेश्वर र सल्लाघारीबाट आवेदन गर्न सक्नेछन् ।
त्यस्तै उपत्यका बाहिर एनबि इन्स्योरेन्स कम्पनीको कार्यालयहरु विराटनगर, बुटवल, वीरगञ्ज, पोखरा, बनेपा, नारायणगढ, नेपालगञ्ज, जनकपुर, दोलाखा, बर्दिवास, सोलुखुम्बु, ओखलढुंगा, भैरहवा, दाङ, हेटौंडा र धनगढी शाखा कार्यालयहरुबाट हकप्रदमा आवेदन गर्न सक्नेछन् । हकप्रद फर्म ग्लोबल आइएमई क्यापिटल तथा इन्स्योरेन्सको वेभसाइटबाट डाउनलोड गरेर समेत सेयरधनीले बुझाउन सक्ने कम्पनीले जनाएको छ ।
हाल एनबि इन्स्योरेन्सको चुक्ता पूँजी २७ करोड रुपैयाँ रहेको छ । शतप्रतिशत हकप्रद जारी गरेपछि कम्पनीको चुक्ता पूँजी ५४ करोड रुपैंयाँ पुग्नेछ ।
एनबि समुहले धरासायी बनाएको इस्योरेन्सलाई आईएमई समूहले किनेर स्वस्थ संस्थाको रुपमा स्थापित विकास गर्न र पूँजी वृद्धिलाई प्राथमिकतामा राखेको छ । यस अघि ८० प्रतिशत हकप्रद निष्काशन गरेको इन्स्योरेन्सले बीमा समितिले एक अर्ब चुक्ता पूँजी पुर्याउनुपर्ने निर्णय गरेपछि फेरि शतप्रतिशत हकप्रद निष्काशन गरेको हो ।
कम्पनीले चैत मसान्तसम्ममा छ करोड २० लाख रुपैयाँ खुद नाफा कमाएर प्रतिसेयर आम्दानी वार्षिक ३० रुपैयाँ ६५ पैसा कायम गरेको छ । इन्स्योरेन्सको सेयर नेप्सेमा आईतबार प्रतिकित्ता १०५० रुपैयाँमा कारोबार भएको छ ।