नेशनल हाईड्रो संचालक समितिले प्रबन्ध संचालक रामबहादुर तामाङ र संचालक प्रकाश रजौरेलाई सार्वजनिक सूचना मार्फत स्पष्टिकरण सोधेपछि नेशनल हाईड्रोको विबाद फेरि सुरु भएको थियो ।
नेशनल हाईड्रोले प्रबन्ध संचालक रामबहादुर तामाङको पदावधि सकिएकाले पदीय हैसियत अनुसार काम नगर्न भनेको थियो । रजौरेलाई पत्रमार्फत सोधिएको स्पष्टिकरणको जवाफ नदिएको भन्दै सार्वजनिक सूचना मार्फत जवाफ दिन तीन दिने म्याद दिएको थियो ।
कम्पनीले उनीहरु दुबैलाई आफुसँग रहेको ल्यापटप, लेटरप्याड, छापसहितका कागजातहरु पनि कम्पनीमा बुझबुझारथ गर्न समेत भनेको थियो । यस सम्बन्धमा धितोपत्र बोर्डमा उजुरी परे पछि छानबिन प्रकृया अघि बढेको बुझिएको छ ।
