दोस्रो चरणमा कम्पनीले सर्वसाधारण, सामूहिक लगानी कोष र कर्मचारीको लागि करिब १६ करोड ५० लाख रुपैयाँ बराबरको सेयर जारी गर्नेछ ।
कम्पनीले पहिलो चरणमा स्थानियबासीका लागि सेयर जारी गर्न धितोपत्र बोर्डमा निवेदन दिएको हो । सिन्धुपाल्चोकका स्थानियबासीका लागि सेयर जारी गरेर बाँडफाँड गरिसकेपछि मात्र कम्पनीले सर्वसाधारणका लागि सेयर जारी गर्नेछ ।
साधारण सेयर जारी गर्नका लागि कम्पनीले एनएमबि क्यापिटललाई विक्री प्रबन्धक नियुक्त गरेको छ । युनिक हाईडेल कम्पनीको बराम्ची खोलामा बाराम्ची हाईडोईलोक्ट्रीक आयोजना ४ दशमलव २ मेगावाटको सञ्चालनमा रहेको छ । सुरुमा उत्पादन क्षमता १ मेगावाट रहेको यस आयोजना बि.सं २०६७ मा स्तरोन्नती गरि ४.२ मेगाबाट बनाईएको हो ।
२०७२ मा गएको भूकम्पबाट र त्यसपछिको पहिरोबाट समेत प्रभावित आयोजनाले गत बैशाख १७ गतेदेखि नियमित विद्युत्त उत्पादन गर्दे आएको छ ।
आयोजनाबाट उत्पादित विद्युत्त आयोजना स्थलबाट १८ किलोमिटर दुरीमा रहेको नेपाल विद्युत्त प्राधिकरणको ३३ केभि प्रसारण लाईन रहेको लामोसाँघु सबस्टेशनमा ल्याएर जोडिएको छ । कम्पनीले नेपाल विद्युत्त प्राधिकरणसँग वि सं २०६६ साल मंसिर ३ गते विद्युत्त खरिद सम्झौता गरेको थियो ।
कम्पनीमा ज्ञानेन्द्रलाल प्रधानको लगानी रहेको हाइड्रो सोलुसन्स प्रालीको समेत सेयर स्वामित्व रहेको बताईएको छ ।