हिमालयन जनरल इन्स्योरेन्सले असार १६ गते बुक क्लोज गर्ने भएपछि यसआधारमा असार १५ गतेसम्म कायम सेयरधनीले मात्र कम्पनीको हकप्रद भर्न पाउनेछन् । उसले एक बराबर एक दशमलव ६७ कित्ता अनुपातमा एक सय रुपैयाँ अंकित दरको ६४ लाख २० हजार कित्ता हकप्रद एनएमबि क्यापिटल मार्फत बिक्री गर्नेछ ।
हाल ३८ करोड ५२ लाख रुपैयाँ चुक्ता पूँजी रहेको हिमालयनले बिमा समितिले दिएको निर्देशन बमोजिम निर्जीबन बिमा कम्पनीको चुक्ता पुँजी एक अर्ब पुर्याउनुपर्ने भएपछि कम्पनीले भारी मात्रामा हकप्रद विक्री गर्न लागेको हो ।
कम्पनीले चालु आर्थिक बर्षको तेस्रो त्रैमासमा आठ करोड ५ लाख रुपैयाँ खुद नाफा कमाएर प्रतिसेयर आम्दानी २० रुपैयाँ ९१ पैसा कायम गरेको छ ।
उता जेविल्स फाईनान्स कम्पनीले समेत असार १२ गते सेयरधनी किताब बन्द गर्ने भएको छ । कम्पनीले असार २३ गते गर्न लागेको विशेष साधारणसभाका प्रयोजनका लागि सेयरधनी किताब बन्द गर्न लागेको हो ।
यसअनुसार विशेष साधारणसभामा भाग लिन असार ११ गतेसम्म कायम सेयरधनीले मात्र पाउनेछन् ।
फाईनान्सको सातौं बार्षिक साधारणसभाले पारित गरेको शतप्रतिशत हकप्रदपछि कायम हुने चुक्ता पूँजी ५७ करोड ७९ लाख १२ हजार पाँच सय रुपैयाँको फेरी ४० प्रतिशत अर्थात २३ करोड ११ लाख ६५ हजार रुपैयाँ बराबरको हकप्रद जारी गर्ने विशेष प्रस्ताव रहेको छ ।
त्यस्तै फाईनान्सले अन्य बैंक तथा वित्तिय संस्था गाम्भे/गाभिने वा प्राप्ती हुन/गर्नका लागि सञ्चालक समितिलाई सम्पुर्ण अख्तियारी प्रदान गर्ने, अन्य आवश्यक विघान संसोधनका लागि अधिकार प्रत्यायोजन गर्ने लगायतका रहेको छन् ।
चालु आर्थिक बर्षको तेस्रो तैमासमा फाईनान्सले एक करोड ९४ लाख रुपैयाँ खुद नाफा कमाएर प्रतिसेयर आम्दानी ६.७२ रुपैयाँ कायम गरेको छ ।