व्यापारी दुगड बेपत्ता भएपछि राष्ट्रिय वाणिज्य बैंक विराटनगर शाखाले दुगडको विराटनगरको मेनरोडमा रहेको कृष्णा स्टोर्समा शिलबन्दी गरेको छ ।
वाणिज्य बैंक विराटनगर शाखाका उप प्रमुख कृष्ण शाहले दुगडको बैंकमा चार करोड १५ लाख रुपैयाँ बराबरको कर्जा रहेको बताए । पटक पटक ताकेता गर्दा पनि कर्जा नतिरेपछि बैंकले बाध्य भएर दुगडको पसलमा तालाबन्दी गरेको शाहले बताए ।
दुगडले घरजग्गा धितोराखी बैंकबाट ऋण लिएका थिए । बैंकमा विगत दुईबर्षदेखि कारोबार गर्दे आएका दुगडले नियमित रुपमा ब्याज तिर्दे आएपनि पछिल्लो दुई त्रैमासको ब्याँज नतिरेको बैंक स्रोतले बताएको छ ।
दुगडले अढाई दशकदेखि विराटनगरमा तयारी पोशाकको संचालन गर्दे आएका थिए । उनले स्थानीय सहकारी संस्था र विभिन्न व्यक्तिहरुबाट ऋण र सापटीगरी ठुलो परिमाणमा रकम लिएको बुझिएको छ ।