अर्थ मन्त्रालयमा बुधबार भएको चालु आर्थिक वर्षको जेठ महिनासम्मको राजस्व प्रगति समीक्षामा उनले दुई ठूला अर्थतन्त्र भएका मुलुकबीच अवस्थित नेपाल ठूलो अवसर र सम्भावना बोकेको मुलुक भए पनि विकासका सन्दर्भमा प्रशस्त चुनौती रहेकाले स्थायी संयन्त्रका रुपमा रहेको कर्मचारीतन्त्रले आफ्नो काँधमा रहेको जिम्मेवारीलाई सामथ्र्य तथा क्रियाशीलताका साथ निर्वाह गर्न निर्देशन दिए ।
उनले कर्मचारीको योग्यता, दक्षता, विज्ञता, कार्यक्षमता र नतिजाका आधारमा ‘उपयुक्त व्यक्ति उपयुक्त स्थानमा’ को अवधारणाअनुसार मूल्याङ्कन हुने बताए ।
अर्थ सचिव शान्तराज सुवेदीले नेपालमा मूल्य अभिवृद्धि कर राजस्व परिचालनको आधार र मूल स्रोत भए पनि त्यसको कार्यान्वयन प्रभावकारी हुन नसकेकोले थप क्रियाशीलता आवश्यक रहेको बताए ।
उनले राजस्व जोखिमका सम्भावित क्षेत्रमा निगरानी बढाउन, कर बक्यौता असुली र बेरुजु फछ्र्यौटमा जोड दिन सम्बद्ध कर्मचारीलाई निर्देशन दिए ।
महालेखा नियन्त्रक राजेन्द्रप्रसाद नेपालले राजस्व सङ्कलन एवम् पुँजीगत खर्च गत वर्षको तुलनामा यो वर्ष केही सन्तोषजनक रहेको बताए । रासस
