एभरेष्ट इन्स्योरेन्सको प्रमुख कार्यकारीको जिम्मेवारी गौतमले सम्हाल्ने सम्बन्धमा सम्झौता भैसकेको छ । केही प्रकृया पुरा भए पछि उनले आफ्नो जिम्मेवारी सम्हाल्ने छन् ।
इन्फ्रास्ट्रक्चर डेभलपमेण्ट बैंक एनसीसी बैंकमा मर्जर भए पछि केही समय सहायक महाप्रबन्धको जिम्मेवारीमा काम गरेर गत जेठ दोस्रो साता गौतम एनसीसी बैंकबाट बाहिरिएका थिए ।
स्टाण्डर्ड चार्टर्ड बैंक (तत्कालिन ग्रिनडलेज बैंक), हिमालयन बैंक, नेपाल बंगलादेश बैंक, सनराइज बैंक, एनआईसी एशिया बैंकमा गौतमले विभिन्न जिम्मेवारीमा काम गरिसकेका छन् ।
बैंकिंग पेशाबाट बाहिरिएर उनले बीमा क्षेत्रको नयाँ अनुभव बटुल्न लागेका हुन् ।