लक्ष्मी बैैंकले गत बैशाख ३ देखि जेठ ७ गतेसम्म शतप्रतिशत अर्थात तीन करोड १५ लाख ९० लाख कित्ता हकप्रद निष्काशन गरको थियो ।
यसको विक्री प्रवन्धक लक्ष्मी क्यापिटल मार्केट लिमिटेड रहेको छ । ईच्छुक लगानीकर्ताले लक्ष्मी क्यापिटल नयाँ बानेश्वरबाट असार २३ गते १ बजेभित्र बोलपत्र पेश गर्न सक्नेछन् । बोलपत्र पेश गर्दा न्युनतम एक सय कित्ता र त्यसमाथि १० ले भाग जाने गरि एक सय रुपैयाँ भन्दा बढि मूल्यमा तोकेर बोलकबोल आवेदन दिन सकिने बैंकले जनाएको छ ।
बैंकको संस्थापक सेयर लिलामी सेयर सर्कान इच्छुक संस्थापक सेयरधनीले समेत लक्ष्मी बैंक केन्द्रिय कार्यालय हात्तिसारमा शिलबन्दी बोलपत्र बुझाउन सक्नेछन् ।
प्राप्त शिलबन्दी बोलपत्रहरु असार २५ गते विहान ११ बजे लक्ष्मी बैंकको केन्द्रिय कार्यालय हात्तिसारमा खोलिने छ । लिलामी सेयर प्राप्त गर्न नसक्ने लगानीकर्तालाई बाँडफाँड भएको तेस्रो दिनदेखि लक्ष्मी क्यापिटल मार्फत फिर्ता गर्ने बैंकले जनाएको छ ।
बैंकको हकप्रदपछि चुक्ता पूँजी छ अर्ब ३१ करोड ८० लाख रुपैयाँ पुगेको छ । असार १३ गते हुने साधारणसभाले १८.२९ प्रतिशत बोनस पारित गरेपछि बैंकको चुक्ता पूँजी सात अर्ब ४७ करोड ३७ लाख रुपैयाँ पुग्नेछ । लिलामीमा सेयर पाउने लगानीकताले समेत बोनस प्राप्त गर्नेछन् ।
बैंकको जगेडा कोषमा रहेको ४ अर्ब ३२ करोड रुपैयाँ र आगामी आर्थिक बर्षको कमाईबाट बोनश सेयर वितरण गरेर नै बैंकले राष्ट्र बैंकले तोके बमोजिम आठ अर्ब रुपैयाँ चुक्ता पूँजी सजिलै पुर्याउने देखिन्छ ।
साथै बैंकको साधारणसभाले अन्य बैंक तथा वित्तीय संस्था मर्जर तथा प्राप्तीका लागि समेत सञ्चालक समितिलाई अख्तियारी प्रदान गर्ने विशेष प्रस्ताव समेत पारित गर्ने भएकाले बैंकले यस प्रकृयालाई समेत अबलम्बन गर्न सक्नेछ ।
