डिप्रोक्सको लिलामी सेयर सर्कान चाहने इच्छुक लगानीकर्ता (व्यक्ति,संघसंस्था) ले विक्री प्रबन्धक नबिल इन्भेष्टमेन्ट बैंकिङ नक्सालबाट असार ११ गते (आज) सम्म शिलबन्दी बोलपत्र पेश गर्न सक्नेछन् ।
बिक्री प्रबन्धक नबिल इन्भेष्टमेन्ट बैंकिङ नक्सालको कार्यालमा असार १३ गते दिउँसो ३ बजे बोलपत्र खोलिने जनाईएको छ । क्यापिटलले सेयर पाउन नसक्ने लगानीकर्तालाई असार १६ गतेदेखि रकम फिर्ता गर्नेछ ।
डिप्रोक्सले गत चैत ७ गतेदेखि वैशाख २५ गतेसम्म जारी गरेको शतप्रतिशत बराबरको २५ लाख ७९ हजार २३८ दशमलव ४५ कित्ता हकप्रद सेयरमध्ये उक्त परिमाणको साधारण समूहको सेयर विक्री नभएपछि लिलामी खुला गरेको थियो ।
चुक्ता पूँजी ३४ करोड ८१ लाख रुपैयाँ रहेको डिप्रोक्स लघुवित्तको प्रतिसेयर आम्दानी ५९ रुपैयाँ ९० पैसा छ भने चालु आर्थिक वर्षको तेस्रो त्रैमासमा कम्पनीले २० करोेड ८५ लाख ८१ हजार रुपैयाँ खुद नाफा कमाएको छ ।
लघुवित्तको सेयर अन्तिम पटक विहीबार १३०० रुपैयाँमा कारोबार भएको थियो ।
