तिलक कोइराला

सस्तोमा लिलामको सेयर किन्ने सोचाईमा हुनुहुन्छ भने तपाइँका सामु ११ कम्पनीका लाखौं कित्ता सेयर बिक्रीमा आएका छन् । हकप्रदमा नबिकेका सेयरको बाढी आउँदा बजार मूल्य भन्दा धेरै सस्तोमा किन्न पाईने हो तर केही लगानीकर्ताहरु बजार मूल्य भन्दा महंगोमा लिलाम सकार्ने मुर्खतापूर्ण ब्यवहार गरिरहेका छन् । त्यसैले लिलाममा सहभागी हुँदा निकै सचेत हुनुपर्छ ।

  यी कम्पनीका सेयर लिलाममा छन्:

आरएमडी बाहेकको संस्थापक सेयर संस्थापक लगानीकर्ताले नकिनेमा मात्र सर्बसाधारण लगानीकर्ताले लिलाम सकार्न पाउने छन् र निश्चित प्रक्रिया पुरा गर्नुपर्ने छ ।

बजार मूल्य भन्दा कम्तिमा २० प्रतिशत सस्तोमा सकार्दा मात्र फाईदा

यसअघि लिलाममा आएका कतिपय कम्पनीको सेयरमा बजार मूल्य भन्दा धेरै माथि गएर सेयर सकार्ने मुर्खता गर्नेहरु पनि देखिएका थिए । त्यसरी उचालिएर लिलामको सेयर सकार्नु भन्दा दोस्रो बजारबाटै किन्नु फाईदाजनक हुन्छ । लिलाममा आएको सेयरलाई बजार मूल्य भन्दा कम्तिमा २० प्रतिशत सस्तो मूल्य हाल्नुपर्छ ।

लिलामको क्रममा हुने दौडधुप, सुचिकरण हुने समय र त्यसबखत मूल्यमा हुनसक्ने उतार चढावको जोखिम हिसाब गर्दा २० प्रतिशत भन्दा सस्तोमा पाए मात्र लिलामको सेयर सकार्ने हो । अहिलेको अबस्थामा हकप्रदको बाढी र लिलाममा सेयर बिक्रीमा आउने ओईरोको अबस्था हेर्दा महंगो मूल्यमा लिलाम सकार्नु आफ्नै खुट्टामा बन्चरो हान्नु हो । त्यसरी आफ्नै खुट्टामा बन्चरो हान्नेहरुसँगै सर्बसाधारण लगानीकर्ता कुद्नुपर्छ भन्ने केही छैन ।

लिलाममा सहभागी हुँदा यसपटक सेयर पाईएन भने पनि निराश हुनुपर्दैन किनभने अरु धेरै कम्पनीको हकप्रदमा नबिकेका सेयरहरु लिलाममा आउँदैछन् । यता भएन भने दोस्रो बजार अर्को अवसर त छदैछ । छानी छानी राम्रो प्रतिफल दिने कम्पनीको सेयर सस्तोमा किनौ, महंगो मूल्यमा हैन ।

लिलाम हाल्दा ध्यान दिनुपर्ने कुरा

लिलामको सेयर सकार्न आबेदन गर्दा बजार मूल्य कति छ भन्ने कुरा राम्रोसँग हेक्का राखौं र त्यसको २० प्रतिशतसम्मको तलको मूल्यमा लिलाम सकारौ । लिलामको सिलबन्दी खाममा कम्पनीले भने अनुसार गुड फर पेमेन्ट चेक वा नगर्दै बुझाईएको रसिदको मूल प्रति अनिबार्य रुपमा राखौ । १०० कित्ता वा १० ले भाग जाने सेयर संख्याको मात्र रकम बुझाई सोही ब्यहोरा उल्लेख गरी आबेदन पत्रमा आफ्नो सबै बिबरण भरेर पेश गरौं, नत्र आबेदन रद्ध हुनसक्छ । लिलाम बन्द भएको भोलिपल्ट बोलपत्र खोल्ने दिनमा आफै वा आफ्ना प्रतिनिधि उपस्थित भएर सेयर सकार भए नभएको यथार्थ जानकारी हासिल गरौं । सेयर परे सुचिकृत भएपछि हितग्राही खातामा आईहाल्छ भने नपरे बोलपत्र खोलिएको तेस्रो दिनपछि पैसा फिर्ता आईहाल्छ ।

बिकृति पनि छ

आफुले महंगोमा लिलामको सेयर उठाउने र दोस्रो बजारमा मूल्य बढाएर बेच्न अनेक हल्ला गर्ने बिकृति पनि बढेको छ ।

बजारमा ४३२ मै पाइने एनआईसी एशियाको सेयरलाई लिलाममा कसले हाल्यो ६१३ रुपैयाँ ?

कृषि बिकास बैंकको सेयर लिलामः प्रारम्भिक बिबरण हेर्दा यस्तो देखिन्छ

बजार मूल्य भन्दा महंगोमा लिलामको सेयर सकार्ने प्रबृत्ति र त्यस्ता आबेदकको नाम आगामी दिनमा केलाएर मेरोलगानी डटकमल अलग्गै समाचार प्रबाह गर्ने नै छ । प्रतीक्षा गर्नुहोला ।