इन्स्योरेन्सले धितोपत्र निष्कासन तथा विक्री प्रवन्धक सीबीआईएल क्यापिटल मार्फत एक सय रुपैयाँ अंकित दरको ३९ लाख कित्ता हकप्रद सेयर बिक्री गर्न लागेको हो । हाल ३९ करोड रुपैयाँ चुक्ता पूँजी रहेको लुम्बिनीको हकप्रद बिक्रीपछि ७८ करोड रुपैयाँ चुक्ता पूँजी पुग्नेछ । मा समितिले तोकेको चुक्ता पूँजी कायम गर्न कम्पनीले अब २२ करोड रुपैयाँ थप गर्नुपर्ने देखिन्छ ।
कम्पनीको हकप्रदमा असार १२ गतेसम्म कायम सेयरधनीले यही असार ३० देखि भदौ १ गतेभित्र आवेदन गर्न पाउनेछन् ।
हकप्रदमा सीबीआईएल क्यापिटल डिल्लीबजार, सिटिजन इन्टरनेशनल बैंकको उपत्यका भित्रका शाखाहरु ठिमी, कुपन्डोल, ग्वार्को, बौद्ध र कलंकी शाखा तथा उपत्यका बाहिरका शाखाहरु बिर्तामोड, विराटनगर, धरान, वीरगञ्ज, नारायणगढ, जनकपुर, बुटवल, पोखरा, नेपालगञ्ज, धनगढी, र महेन्द्रनगरबाट समेत आवेदन गर्न सक्नेछन् ।
त्यस्तै कम्पनीले सीबीआइएल क्यापिटलमा डिल्लीबजारमा चेकमात्र लिने र हक हस्तान्तरण गरी हकप्रद सेयर आवेदन गर्ने सेयरधनीको आवेदन सेयर रजिष्ट्रार एस क्यापिटलबाट मात्र आवेदन गर्नुपर्ने व्यवस्था गरेको क्यापिटलले जनाएको छ ।
चालु आर्थिक वर्षको तेस्रो त्रैमासमा कम्पनीले ११ करोड ६१ लाख रुपैयाँ खुद नाफा कमाएर प्रतिसेयर आम्दानी ३९ रुपैयाँ ७० पैसा कायम गरेको छ । कम्पनीको सेयर नेप्सेमा आईतबार प्रतिकित्ता १७५९ रुपैयाँमा कारोबार भएको थियो ।
