बुधबार एक कार्यक्रमका बिच फाइनान्सका कार्यवाहक प्रमुख कार्यकारी अधिकृत शुनिल पन्तले फाइनान्सको शाखा उद्घाटन गरेका हुन् । शाखा उद्घाटन गर्दै पन्तले आफ्ना सेवाग्राहीलाई उच्च उत्कृष्ट वित्तीय सेवा प्रदान गर्न फाइनान्स प्रतिबद्ध रहेको बताएका थिए ।
एक्सटेन्सन काउण्टर शाखामा परिणत भएसँगै फाइनान्सको शाखा संख्या १५ पुगेको छ । यसका साथै फाइनान्सले १२ वटा एटीएम मार्फत वित्तीय सेवा प्रदान गर्दै आएको छ ।
फाइनान्सले चालु आर्थिक वर्षको जेठ मसान्तसम्ममा १८ करोड रुपैंया खुद नाफा कमाएको विज्ञप्तीमा उल्लेख छ । ८० करोड १७ लाख रुपैंया चुक्ता पूँजी रहेको ४२ हजारभन्दा बढी सेवाग्राहीलाई बैंकिंग सेवा प्रदान गर्दै आएको 
छ । ६ अर्व ३४ करोड रुपैंया निक्षेप संकलन गरेको फाइनान्सले ५ अर्व ४८ करोड रुपैंया कर्जा प्रवाह गरेको जनाएको छ ।
निकट भविष्यमा नै चितवनको ज्योतिनगरमा अर्को शाखा बिस्तार गर्ने तयारी भैरहेको जनाएको फाइनान्सले अन्य स्थानमा पनि शाखा बिस्तार गर्दै लैजाने बताएको छ ।
