यही असार २९ गते विशेष साधारण सभा बोलाएको बैंकले युनियन फाइनान्सलाई एक्वायर गर्ने प्रस्ताव अनुमोदन गर्देछ । देवले युनियनलाई ५० प्रतिशत सेयर स्वाप रेसियोमा खरिद गर्ने भएको हो । युनियन फाइनान्सको १०० कित्ता सेयर हुनेले देव विकास बैंकको ५० कित्ता सेयर पाउनेछन ।
साथै बैंकले एक्विजिशन पश्चात ४० प्रतिशत हकप्रद बिक्री गर्ने प्रस्ताव समेत साधारणसभा बाट अनुमोदन गराउँदैछ । हकप्रद बिक्री पश्चात बैंकको पूँजी दुई अर्ब ५० करोड पुग्नेछ । यसअघि पनि देव विकास बैंकले ५० प्रतिशत हकप्रद बिक्री गरेको थियो ।
विशेष साधारण सभा गर्न देवःले असार २३ देखि २९ गतेसम्म बुक क्लोज गर्ने भएको छ । युनियनको भने एक्विजिसन प्रकृयाका कारण गत चैत १० गतेदेखि सेयर कारोबार बन्द छ ।
राष्ट्र बैंकले तोकेको चुक्ता पुँजी पुर्याउन देवः विकास बैंकले यसअघि साझा विकास बैंकलाई एक्वायर गर्ने सैद्धान्तिक सहमतिमा हस्ताक्षर पनि गरिसकेको छ ।
