कम्पनीले संस्थापक तथा साधारण सेयरको अनुपात ५१ :४९ कायम गर्न एफपीओ जारी गर्ने भएको हो ।
फाइनान्सले एक सय रुपैयाँ अंकित मूल्यमा १२० रुपैयाँ प्रिमियम थपगरी प्रतिकिक्ता २२० रुपैयाँमा निष्कासन गर्ने भएको छ । कम्पनीले प्रस्ताव गरेको मूल्य धितोपत्र बोर्डले स्वीकृत गरेको कम्पनीले जनाएको छ ।
अहिले दोस्रो बजारमा फाइनान्सको प्रतिकित्ता सेयरमूल्य २४० रुपैयाँको हाराहारीमा रहेको छ ।
एफपिओ जारी गर्न कम्पनीले एनआइबीएल क्यापिटल लिमिटेडलाई बिक्री प्रबन्धकमा नियुक्त गरेको छ ।
गतबर्षको मुनाफबाट १३.५ प्रतिशत बोनस बाँडेको कम्पनीको चुक्ताँपूजी ५५ करोड ७४ लाख २० हजार रुपैयाँ पुगेको छ । एफपीओ जारी गरेपछि कम्पनीको चुक्तापूँजी ९ करोड ८३ लाख रुपैयाँले बढेर ६५ करोड ५७ लाख रुपैयाँ नाघ्नेछ ।
साथै कम्पनीले एफपीओ जारी गरेपछि कायम पूँजीको १५ प्रतिशत हकप्रद बिक्री गर्ने प्रस्ताव समेत २० औ बार्षिक साधारणसभाबाट पारित गराईसकेको छ । हकप्रद पश्चात कम्पनीको पूँजी ७५ करोड नाघ्नेछ । चालु आर्थिक बर्षको बोनस बाट कम्पनीले ८० करोड चुक्तापूँजी पुर्याउने योजना बनाएको छ ।
