यो साधारण सेयरको बाँडफाँडमा नयाँ निर्देशिका लागू हुने छैन । साउन एक पछि बाँडफाँड हुने सेयरमा मात्र धितोपत्र बाँडफाँड निर्देशिका २०७४ लागू हुनेछ । जस अनुसार ५० हजार रुपैंयासम्मका आवेदकले साना लगानीकर्ताको रुपमा सेयर पाउने छन् भने सो भन्दा माथिका आवेदकले प्रतिशतका आधारमा सेयर पाउने छन् ।
कम्पनीको साधारण सेयरमा ६९ गुण बढीको आवेदन परेको पा्ररम्भिक तथ्यांक आएको थियो । जस अनुसार पाँच करोड ४० लाख रुपैंयाको सेयरका लागि तीन अर्ब ७२ करोड २९ लाख ३९ हजार चार सय रुपैंयाको आवेदन परेको थियो ।
कसलाई कति पर्ला सेयर ?
६९ गुणा बढीले परेको आवेदनका आधारमा मेरोलगानीले सात सय कित्तासम्मका आवेदकले गोलाप्रथाबाट १० कित्ता सेयर पाउने आँकलन गरेको छ । ९० हजार एक सय ३५ वटा आवेदन परेकोमा संस्थागत लगानीलाई बन्देज लगाए पछि साना लगानीकर्तालाई केही राहत मिलेको छ ।
सात सयदेखि सात सय १० कित्तासम्मका आवेदकले गोलाप्रथाबाट सेयर पाएको खण्डमा त्यस पछि १० कित्ता सेयर थप गरेर सेयर माग्नेले अनिवार्य रुपमा १० कित्ता सेयर पाउने छन् भने सात सय तीस कित्ता देखि माथिको आवेदन गर्नेले अनिवार्य रुपमा एक दशलमव तीन प्रतिशत सेयर पाउने सम्भावना छ । यस आधारमा दुइर्ए हजार सात सय कित्ता सेयर माग्नेले धेरैमा ३५ कित्ता सेयर पाउन सक्छन् ।
छ्याङ्दीले जेठ १४ देखि १८ गतेसम्म पाँच लाख ४० हजार कित्ता साधारण सेयर सर्वसाधारणका लागि निष्काशन गरेको थियो ।