बैंकले हकप्रद प्रयोजनका लागि असार छ गते सेयरधनी पुस्तिका बन्द गरिसकेको छ । असार पाँच गतेसम्म एभरेष्ट बैंकको सेयर किनेका लगानीकर्ताले हकप्रदमा आवेदन गर्न पाउने छन् ।
बैंकको सेयर निष्काशन तथा बिक्री प्रबन्धक एनआईबिएल क्यापिटल रहेको छ । एभरेष्ट बैंकका सेयरधनीले एनआईबिएल क्यापिटल लाजिम्पाट तथा एभरेष्ट बैंकका सबै शाखाहरुबाट हकप्रदमा आवेदन गर्न सक्ने छन् ।
हाल चार अर्ब ५२ करोड ६४ लाख २६ हजार रुपैंया चुक्ता पूँजी रहेको बैंकको हकप्रद निष्काशन पश्चात चुक्ता पूँजी छ अर्ब तीन करोड ५० लाख ८४ हजार रुपैंया पुग्नेछ । बैंकले राष्ट्र बैंकको निर्देशन अनुसार थप एक अर्ब ९६ करोड ५० लाख रुपैंया पूँजी थप गर्नु पर्ने हुन्छ ।
