यस अघि ग्लोबल आईएमई बैंकले मात्र राफसाफको काम गर्दै आएको थियो । बजारको आकार तथा लगानीकर्ताको संख्या बढिरहेको भन्दै चौतर्फी रुपमा राफसाफ बैंकको संख्या थप गर्नु पर्ने आवाज उठे पछि केही समय अघिबाट यसको प्रकृया अघि बढेको थियो ।
चार वाणिज्य बैंकले गर्ने राफसाफमा नेपाल इन्भेष्टमेण्ट बैंकले नेतृत्वदायी भुमिका निर्वाह गर्ने बताएको छ । केन्द्रिय निक्षेप प्रणालीका अनुसार बैंकका सबै पक्षका आधारमा इन्भेष्टमेण्ट बैंकलाई मुख्य बैंकका रुपमा समेटिएको हो ।
आइतबारदेखि हुने सबै कारोबारहरु मल्टी क्लियरिङ बैंक मार्फत सेटलमेन्ट हुन थाले पछि राफसाफ प्रकृया सहज हुने अपेक्षा गरिएको छ ।