इन्स्योरेन्सले आर्थिक बर्ष २०७२/७३ को नाफाबाट २० प्रतिशत बोनस प्रस्ताव गरेको थियो । जसअनुसार कम्पनीले २ करोड २ लाख ५० हजार रुपैयाँ बराबरको बनोस सेयर वितरण गर्ने छ भने कर प्रयोजनका लागि १० लाख ६५ हजार ७ सय ८९ रुपैयाँ नगद लाभाँश सेयरधनीलाई वितरण गर्ने भएको छ ।
हाल १० करोड १२ लाख चुक्तापूँजी रहेको एभरेष्टको २० प्रतिशत बोनस र त्यसपछिको ६०० प्रतिशत हकप्रदले उसको पूँजी ८५ करोड ५ लाख मात्र पुग्नेछ । बीमा समितिको निर्देशन अनुसार २०७५ असार मसान्तसम्ममा चुक्ता पूँजी एक अर्ब पुर्याउनु पर्नेछ ।
केही बर्ष अघि संकटग्रस्त अबस्थामा पुगेर क्रमशः सुध्रिदै आएको एभरेष्टले चालु आर्थिक बर्षको तेस्रो त्रैमाससम्ममा दुई करोड खुद नाफा कमाएको छ । उसको जगेडा कोषमा ११ करोड र बीमा कोषमा १५ करोड रुपैयाँ छ ।
एभरेष्ट ईन्स्योरेन्स केही बर्ष अघि नक्कली अग्नि बीमा दावी भुक्तानी काण्डले थला बसी बीमा समितिको कारबाहीमा परे पनि हालैका बर्षहरुमा उसको अबस्थामा केही सुधार हुँदै गएको छ ।