लिलामीमा राखिएको कुल तीन लाख ३६ हजार ७१ कित्ता सेयरमध्ये काठमाडौं क्यापिटलले २० हजार कित्ताका लागि २९० रुपैयाँ तथा १२ हजार कित्ताको लागि २९३ रुपैयाँ हालेको हो । एनआईबिएल क्यापिटलको सामुहिक लगानी कोष एनआईबिएल समृद्धि र प्रगति फण्डले समान २८७ रुपैयाँमा १०/१० हजार कित्ता सेयर प्राप्त गरेका हुन् ।
साधारण सेयरका लागि कुल एक हजार जनाले आवेदन गरेकोमा ३२६ जनाले प्राप्त गरेका छन् । साधारण सेयरका लागि अधिकतम गगन श्रेष्ठले ३९४ रुपैयाँमा ३८०० कित्ता माग गरेका थिए ।
बोलपत्रको प्रारम्भिक तथ्याङ्क अनुसार साधारण सेयर समानुपातिक रुपमा न्यूनतम २७६ र संस्थापक सेयर १२५ रुपैयाँ आवेदन गर्ने लगानीकर्ताले सेयर प्राप्त गरेका हुन् ।
त्यस्तै नौं हजार आठ सय ४७ कित्ता संस्थापक सेयरका लागि आठ जनाको तर्फबाट अघिकतम १५१.१० रुपैयाँसम्मको आवेदन परेकामा १२५ रुपैयाँमाथि आवेदन गर्ने दुई जनाले मात्र सेयर प्राप्त गरेका छन् ।
सेयर प्राप्त गर्न नसक्ने लगानीकर्तालाई उनिहरुले उपलब्ध गराएको बैंक खातामा असार २९ गतेदेखि पैसा फिर्ता सुरु गर्ने क्यापिटलले जनाएको छ ।
