सिद्धार्थको हकप्रद निष्काशन तथा बिक्री प्रबन्धक लक्ष्मी क्यापिटल मार्केट रहेको छ । सेयरधनीहरुले विक्री प्रबन्धक लक्ष्मी क्यापिटल, सिद्धार्थ बैंकको केन्द्रिय कार्यालय हात्तिसार लगायत देशभरीका बैंकको शाखा कार्यालयबाट हकप्रदमा आवेदन दिन सक्नेछन् ।
तपाईले सिद्धार्थ बैंकको हकप्रदमा कति कित्ता सेयर भर्न पाउनुहुन्छ ? यहाँ क्लिक गरी हेर्नुहोस् ।
सबैभन्दा पहिला कम्पनीको नाममा सिद्धार्थ बैंक छनौट गर्नुहोस् । त्यसपछि सेयरधनी र बुबाको नाम भर्नुहोस् र १६ अंकको हितग्राही नम्बर (डिम्याट नम्बर) वा सेयरधनी नम्बर राखेर समेत सर्च बटनबाट कति कित्ता सेयर भर्ने यकिन गर्नुहोस् । यसबाट बुधबार अन्तिम दिन हकप्रद भर्ने भिडभाड हुने हुँदा तपाईलाई बैंकमा गएर सोधिरहनुपर्ने झण्झट हुँदैन ।
बैंकले एक करोड ५७ लाख ५२ हजार ५७८ कित्ता सेयर विक्री खोलेको हो । ५ अर्ब २५ करोड रुपैयाँ चुक्ता पूँजी रहेको बैंकको हकप्रदपछि चुक्ता पूँजी ६ अर्ब ८२ करोड ६१ लाख रुपैयाँ पुग्नेछ ।
चालु आर्थिक वर्षको तेस्रो त्रैमासमा सिद्धार्थले ९५ करोड ७० लाख रुपैयाँ खुद नाफा कमाएर प्रतिसेयर आम्दानी वार्षिक २४ रुपैयाँ ३० पैसा कायम गरेको छ ।