कम्पनी रजिष्ट्रारको कार्यालयले वैशाख १५ गतेका लागि बैंकले बोलाएको विशेष साधारणसभा रोक्न निर्देशन दिएपछि विशेष साधारणसभा स्थगित गरेर बैंक उच्च अदालत पुगेको थियो।
उच्च अदालत पाटनले कम्पनी रजिष्ट्रारको कार्यालयकै निर्देशनलाई सदर गर्दे नियमित साधारणसभामा जान आदेश दिएपछि बैंकले नियमित साधारणसभा बोलाएको हो ।
एनसीसी बैंकले साधारणसभाबाट आफुमा गाभिएका इन्फास्ट्रक्चर, सुप्रिम, एपेक्स र इन्टरनेशनल डेभलपेमन्ट बैंकको ७२/०७३ को वित्तीय विवरण पारित गर्ने छ । उच्च अदालत पाटनले एपेक्स डेभलपमेन्ट बैंकको वित्तीय विवरण अलग राख्न निर्देशन दिएकाले सोही बमोजिम छुट्टै हिसाब प्रस्तुत गरिने बैंकले आफ्नो सूचनामा जनाएको छ ।
बैंकले राष्ट्र बैंकले तोकेको पूजी पुर्याउन ५० प्रतिशत हकप्रदको प्रस्ताव समेत राखेको छ । यसअघि एनसीसीले पचास प्रतिशत हकप्रदको प्रस्ताव पारित गराउने मुख्य एजेण्डा सहित वैशाख १५ गतेका लागि विशेष साधारण सभा बोलाएको थियो ।
बैंकको सो निर्णय विरुद्ध एनसीसी बैंकमा झण्डै १३ प्रतिशत हिस्सेदारी रहेको एनबी समूहका लक्ष्मी बहादुर श्रेष्ठले उजुरी गरेपछि कम्पनी रजिष्ट्रारले विशेष साधारणसभा रोक्न निर्देशन दिएको थियो ।
