विलय पछि कसमसको नाम हटेको छ भने साविकको सांग्रिला डेभलपमेण्ट बैंक लिमिटेडकै नामबाट वित्तीय सेवा 
प्रदान गर्ने बताइएको छ । एक बराबर एक अनुपातको सेयर स्वापमा कसमसलाई सांग्रिलाले आफुमा विलय गरेको हो ।
गत जेठ १९ मा दुवै बैंकले विशेष साधारण सभाबाट विलय प्रस्ताव पारित गरे पछि राष्ट्र बैंकले असार २० गते अन्तिम स्वीकृति दिएको थियो । कसमस सांग्रिलामा विलय भए पछि चुक्ता पूँजी एक अर्ब ३५ करोड ८४ लाख ७४ हजार रुपैंया पुगेको छ । यस अघि नै साधारण सभाबाट सांग्रिलाले विलय पश्चात बन्ने पूँजीको ८० प्रतिशत हकप्रद निष्काशन गर्ने प्रस्ताव पारित गरेको थियो ।
हकप्रद पछि बैंकको चुक्ता पूँजी दुई अर्ब ४४ करोड रुपैंया पुग्नेछ । राष्ट्र बैंकले ताकेको पूँजी पुर्याउन बैंकले आफ्नो कमाईबाट सात करोड रुपैंया बराबरको बोनस मात्र वितरण गर्दा पुग्छ ।
