राष्ट्र बैंकले तोकेको आठ अर्ब पूँजी पुर्याउने क्रममा साना कम्पनीहरुलाई आफुमा मिलाएर पूँजी जुटाउने अभियानमा बैंक रहेको छ । यस क्रममा उसले सगरमाथा फाइनान्सलाई आफुमा विलय गरेको हो । यस अघि इन्नोभेटिभ डेभलपमेण्ट बैंक तथा अरनिको डेभलपमेण्ट बैंकलाई आफुमा विलय गरेर बैंकले एकिकृत कारोबार सुरु गरिसकेको छ ।
नेपाल राष्ट्र बैंकले सेञ्चुरीलाई आफुमा विलय गर्न गत असार २३ गते अन्तिम स्वीकृति प्रदान गरेको थियो । कम्पनी रजिष्ट्रारको कार्यालयले पनि असार २७ गते विलयका लागि बैंकलाई स्वीकृति प्रदान गरेको थियो । अब बैंकको कर्पोरेट कार्यालय पुतलीसडकमा रहेको हालको कार्यालय नै रहने बताइएको छ ।
सेञ्चुरीको एक सय कित्ता बराबर सगरमाथाको ९५ कित्ता सेयर आदान प्रदान हुने सम्झौता यस अघि नै भैसकेको छ । अल्पाइन डेभलपमेण्ट बैंकलाई समेत आफुमा विलय गर्ने प्रकृयामा रहेको बैंकले हाल कायम चुक्ता पूँजीको ४० प्रतिशत हकप्रद यहि साउन १६ गतेदेखि निष्काशन गर्दैछ । बैंकको हकप्रदमा असार २६ गतेसम्म कायम सेयरधनीले आवेदन गर्न पाउने छन् ।
सेञ्चुरी बैंकको हकप्रद साउन १६ गतेदेखि
अहिले चार अर्ब ७१ करोड ३५ लाख रुपैंया चुक्ता पूँजी रहेको बैंकको ४० प्रतिशत हकप्रद तथा सगरमाथा फाइनान्स र अल्पाइन डेभलपमेण्टलाई गाभे पछि चुक्ता पूँजी सात अर्ब ९० करोड रुपैंया पुग्नेछ । गत आर्थिक वर्षको कमाईबाट बोनस बितरण गरेर बैंकले चुक्ता पूँजी आठ अर्ब नघाउनेछ ।
सबै विलय प्रकृया पुरा गरे पछि बैंकको शाखा सञ्जाल ९० स्थानमा बिस्तार हुनेछ ।
सेञ्चुरी बैंकलाई राष्ट्र बैंकले दियो सेती फाइनान्स प्राप्ति गर्ने सैद्धान्तिक सहमति
एकपछि अर्को हकप्रद र प्राप्तिबाटै आठ अर्ब पुग्ने भएपछि सेन्चुरीले कस्तो देला लाभांश ?
