नेपाल राष्ट्र बैंकले सार्वजनिक गरेको तथ्याकं अनुसार २६ वाणिज्य बैंकहरुले जेठमसान्तसम्मा ३३ अर्ब ७८ करोड नाफा कमाएका छन । राष्ट्र बैंकले सार्वजनिक गरेको यो तथ्यांकमा एनसीसी बैंक र सिभिल बैंकको विवरण समावेश गरिएको छैन् ।
जेठ मसान्तसम्ममा सबैभन्दा धेरै नाफा कमाउनेमा नबिल बैंक अग्रस्थानमा छ । नबिलले जेठसम्ममा ३ अर्ब ४५ करोड नाफा कमाएको छ । त्यसपछि दोस्रोमा रहेको नेपाल इन्भेष्टमेन्ट बैंकले २ अर्ब ९८ करोड कमाएको छ । राष्ट्रिय वाणिज्य बैंकले २ अर्ब ७६ करोड कमाउदा नेपाल बैंक, कृषि बिकास बैंक र एभरेष्ट बैंक पनि दुई बढी नाफा कमाउने बैंकको सूचिमा रहेका छन ।
यसपछि क्रमश ग्लोबल आइएमई, हिमालयन बैंक, एनएमबि बैंक, स्ट्याण्र्डड चार्टर्ड, नेपाल बंगलादेश बैंक, सिद्धार्थ बैंक, बैंक अफ काठमाण्डू र प्रभु बैंक पनि अर्बपति क्लबमा समावेश भएका छन ।
सेञ्चुरी बैंक, जनता बैंक, कुमारी बैंक, लक्ष्मी बैंक, सिटिजन्स बैंक कम नाफा कमाउनेमा परेका छन । सेञ्चुरीले जेठसम्म १४ करोड नाफा कमाएको छ । जनताले २२ करोड र कुमारीले २४ करोड कमाएको छ ।
बैंकहरुको यसअवधिमा २२ खर्ब ९३ अर्ब निक्षेप संकलन गरेर १९ खर्ब ६७ अर्ब कर्जा लगानी गरेका छन ।