लिलामी सेयर खरिद गर्न इच्छुक लगानीकर्ताले बैंकको बिक्री प्रबन्धक एनएमबि क्यापिटल लिमिटेड नागपोखरी वा नेपाल एसबीआई मर्चेन्ट बैंकिङ हात्तिसारमा साउन १६ गतेसम्म शिलबन्दी बोलपत्र पेश गर्न सक्नेछन् ।
बोलपत्र पेश गर्दा न्यूनतम १०० रुपैयाँ वा सो भन्दा बढि मूल्य अंकित गरी बढाबढमा आवेदन गर्न सक्नेछन् ।
आवेदन दिँदा न्यूनतम एक सय कित्ता वा दशले भाग जाने गरी अधिकतम बैंकको चुक्ता पुँजीको ०.५५ भन्दा बढी नहुने गरी आवेदन गर्न पाईनेछ ।
त्यस्तै १० लाख रुपैयाँसम्म आवेदन दिनेले स्वेच्छिक रुपमा र १० लाख भन्दा बढी रकमको आवेदन दिनेले अनिवार्य रुपमा आफ्नो प्यान नं आवेदन फारममा उल्लेख गर्नुपर्नेछ ।
बोलपत्र साउन १७ गते दिउँसो ३ ३० बजे एनएमबि क्यापिटल लिमिटेड नागपोखरीमा खुला हुने क्यापिटलले जनाएको छ । क्यापिटलले लिलामी सेयर पाउन नसक्ने आवेदकलाई आवेदन बुझाएको केन्द्रबाट तीन दिनपछि फिर्ता गर्नेछ ।
हकप्रदपछि बैंकको चुक्ता पूँजी ६ अर्ब ९७ करोड १७ लाख रुपैयाँ पुगेको छ । चालु आवको तेस्रो त्रैमासमा एसबिआईले एक अर्ब १० करोड ४४ लाख रुपैयाँ खुद नाफा कमाएर प्रतिसेयर आम्दानी २९.५७ रुपैयाँ कायम गरेको छ । बैकको सेयर आईतबार नेप्सेमा प्रतिकित्ता ९२३ रुपैयाँ हाराहारीमा कारोबार भएको छ ।
