जसका लागि कम्पनीले साउन २७ गते २९ औ साधारणसभा राखेको छ । कम्पनीको २८ औ बार्षिक साधारणसभाले शतप्रतिशत हकप्रदको प्रस्ताव पारित गरेको थियो ।
त्यसपछि कम्पनीले उक्त प्रस्ताव परिमार्जन बोनसअघि ७५ प्रतिशत हकप्रद बिक्री गर्ने बताएको थियो । अब कम्पनीले बोनसपछि मात्रै ६० प्रतिशत हकप्रद बिक्री गर्ने प्रष्ट पारेको छ ।
बीमा समितिले जीवन बीमा कम्पनीहरुले आगामी ०७५ असारसम्म चुक्तापूँजी दुई अर्ब पुर्याउनु पर्ने निर्देशन जारी गरेपछि कम्पनीले हाल कायम पूँजीको २५ प्रतिशत बोनसपछि ६० प्रतिशत हकप्रद बिक्री गर्ने जनाएको छ । यसबाट लगानीकर्ताले प्राप्त गर्ने लाभांश र हकप्रदमा कुनै फरक नपर्ने कम्पनीले जनाएको छ ।
कम्पनीको चुक्ता पूँजी एक अर्ब ३२ करोड ४८ लाख रुपैयाँ छ । २५ प्रतिशत अर्थात ३३ करोड १२ लाख बराबरको बोनसपछि कम्पनीको पूँजी एक अर्ब ६५ करोड ६० लाखको पुग्नेछ ।
यसमा कम्पनीले ६० प्रतिशत अर्थात ९९ करोड ३६ लाख बराबरको हकप्रद बिक्री गर्नेछ । हकप्रद पछि कम्पनीको पूँजी दुई अर्ब ६४ करोड ९६ लाख पुग्नेछ ।
बीमा समितिको पूँजीवृद्धि योजनाले नेशनल लाईफको हकप्रद प्रभावित, लगानीकर्तालाई के फाइदा?
