कम्पनीले निष्कासन गरेको कुल २१ लाख ३० हजार ८३४ कित्ता सेयरमध्ये १९ लाख ८१ हजार ६७५ कित्ता सेयर मात्र सर्वसाधरणलाई बाँडफाँड हुनेछ । कम्पनीले कर्मचारी र सामुहिक लगानीकोषलाई एक लाख छ हजार ५४२ कित्ता सेयर छुट्याएको थियो ।
सर्वसाधरणका लागि जारी गरेको सेयरमा सामान्य तथा आश्वा प्रकृयाबाट कुल एक लाख ६३ हजार ३४७ वटा आवेदन परेको क्यापिटलले जनाएको छ । यसैको आधारमा आवेदन सदर भएका सबैले अनिवार्य दश कित्ता सेयर पाउने छन् ।
सबै आवेदकलाई दश कित्ता सेयर वितरण गरेर बचेको सेयर भने गोलाप्रथाको आधारमा थप दश कित्ताका दरले वितरण गरिनेछ । यसो हुँदा भाग्यमानी आवेदकहरुले २० कित्तासम्म सेयर पाउने देखिन्छ ।