बोर्डले हकप्रदको अनुमति दिएका अधिकांस सुचिकृत कम्पनीहरुले हकप्रद सेयर निष्काशन गरिसकेका छन् । केही कम्पनीले हकप्रद सेयर निष्काशन गरिरहेका छन् भने केहीले निष्काशनको मिति तोकेका छन् ।
नेपाल धितोपत्र बोर्डले उपलब्ध गराएको तथ्णङक अनुसार एक वर्षको अवधिमा ७४ कम्पनीलाई ४५ करोड ६४ लाख २४ हजार १४०.२ कित्ता हकप्रद सेयर निष्काशनको अनुमति दिइएको हो । राष्ट्र बैंकले बैंक तथा वित्तीय संस्थाको पूँजी चार गुणाले बढाउने भनी गरेको निर्णयका कारण धेरैजसो बैंक तथा वित्तीय संस्थाले ठुलो मात्रामा हकप्रद निष्काशन गरेका हुन् ।
बीमा कम्पनीको पनि पूँजी वृद्धिको तयारी बीमा समितिमा रहँदै गर्दा गत आर्थिक वर्षको मध्यतिर बीमा कम्पनीहरुले पनि हकप्रद निष्काशनको क्रम सुरु गरेका थिए । गत आर्थिक वर्षमा प्राइम कमर्शियल बैंकले पहिलो पटक हकप्रद निष्काशनको अनुमति पाएको थियो । बीमा कम्पनीका तर्फबाट नेको इन्स्योरेन्सले पहिलो हकप्रद निष्काशन गरेको थियो ।
एक वर्षको अवधिमा केही कम्पनीले दुई पटकसम्म हकप्रद निष्काशन गरेका छन् । सेञ्चरी कमर्शियल बैंक, सिद्धार्थ बैंक, माछापुच्छ्रे बैंक, कञ्चन डेभलपमेण्ट बैंक, सप्तकोशी डेभलपमेण्ट बैंक लगायतले बोर्डबाट एकै आर्थिक वर्षमा दुई पटक हकप्रद निष्काशनको अनुमति पाएका हुन् ।
अधिक मात्रामा निष्काशन भएका हकप्रदका कारण नै गत आर्थिक वर्षमा विभिन्न किसिमका समस्याहरु समेत देखा परेका थिए । जगेडा तथा कमाईबाट पूँजी बिस्तार गर्ने कम्पनीको संख्या न्युन भएका कारण पनि गत आर्थिक वर्षमा हकप्रदको बाढी आएको थियो । राष्ट्र बैंकले पूँजी बिस्तारका लागि तोकेको म्याद सकिँदासम्म हकप्रद निष्काशनलाई बैंक तथा वित्तीय संस्थाहरुले तिब्र बनाई रहेका छन् ।
त्यसै गरी बीमा समितिले बीमा कम्पनीहरुको चुक्ता पूँजी चार गुणाले नै बढाउने निर्णय गरेका कारण अहिले अधिकांस बीमा कम्पनीहरु पनि यो भिडमा देखिएका छन् ।
गत आर्थिक वर्षमा हकप्रद निष्काशन गर्ने कम्पनीको आँकडा यस्तो छ । तपाईको ब्राउजर तथा मोबाइल एपमा उल्ल्ेखित सामग्री हेर्न नसक्नु भएको भए यो लिङ्कमा गएर हेर्न सक्नु हुन्छ ।
यो पनि पढ्नुहोस् ।