हाम्रो विकास बैंकले गत जेठ ७ देखि असार ११ गतेसम्म विक्री गरेको २०० प्रतिशत हकप्रदमा अवितरित उक्त परिमाणको सेयर लिलामी बढाबढमा विक्री गर्न लागेको हो ।
इच्छुकले बैंकको केन्द्रीय कार्यालय नुवाकोट तथा सेयर विक्री प्रबन्धक एनआइबीएल क्यापिटल लाजिम्पाटमा साउन १२ गतेसम्म शिलबन्दी बोलपत्र पेश गर्न सक्नेछन् । आवेदन गर्दा न्यूनतम १०० रुपैयाँ, एक सय कित्ताका वा सो भन्दा माथि आवेदन गर्न सक्नेछन् ।
लिलामी सेयरमा साउन १२ गतेसम्म आवेदन गर्न सकिन्छ । बोलपत्र साउन १५ गते बिहान ११ बजे एनआइबीएल क्यापिटल मार्केट लाजिम्पाटमा खोलिने क्यापिटलले जनाएको छ ।
हकप्रद विक्रीपछि बैंकको चुक्ता पूँजी ४५ करोड ८७ लाख रुपैयाँ पुगेको छ । राष्ट्र बैंकले तोकेको न्यूनतम ५० करोड रुपैयाँ चुक्ता पूँजी कायम गर्न बकैंकलाई थप चार करोड १३ करोड रुपैयाँ आवश्यक पर्नेछ ।
गत आवको तेस्रो त्रैमासमा हाम्रोले तीन करोड १० लाख रुपैयाँ खुद नाफा कमाएर प्रतिसेयर आम्दानी वार्षिक २७ रुपैयाँ ३ पैसा कायम गरेको छ । बैंकको सेयर नेप्सेमा विहीबार प्रतिकित्ता २६६ रुपैयाँ हाराहारीमा कारोबार भएको छ ।
