शुक्रबार दमौलीस्थित व्यास नगरपालिका कार्यालय परिसरमा भएको आयोजना प्रभावितको भेलाबाट स्थानीय परामर्श मञ्च (एलसिएफ) गठन गरिएको हो । आयोजनाबाट व्यास नगरपालिका वडा नम्बर ५ प्रभावित हुन्छ ।
आयोजनाले कार्यान्वयनमा ल्याएको पुनस्र्थापना तथा आदिवासी जनता योजनामा भएको व्यवस्था अनुसार व्यास नगरपालिका प्रमुख वैकुण्ठ न्यौपानेको संयोजकत्वमा सात सदस्यीय मञ्च गठन गरिएको छ ।
मञ्चमार्फत आयोजना निर्माणक्रममा स्थानीयरुपमा आउने गुनासाको दर्ता तथा सुनुवाई, आयोजनाको सूचना प्रभावित समक्ष पुगेको सुनिश्चित गर्ने, आयोजना र प्रभावितबीचको सम्पर्क कायम गरिने छ । आयोजना निर्माणका क्रममा आउने गुनासा प्रभावितले त्यही संयन्त्रमा राख्न सक्ने र सुनुवाई समेत हुने व्यवस्था गरिएको छ ।
त्यस्तै आयोजनाले भिमाद नगरपालिका, रिसिङ र म्याग्दे गाउ“पालिकामा प्रभावित क्षेत्रमा पनि छिट्टै मञ्च गठन गरिने जनाएको छ ।
आयोजनाको अनुमानित लागत ५० करोड ५० लाख अमेरिकी डलर छ । यो लागत निर्माण अवधिको ब्याज र ग्रामिण विद्युतीकरण सहितको हो । आयोजनामा नेपाल सरकार, नेपाल विद्युत प्राधिकरण, एसियाली विकास बैक (एडीबी), जापान अन्तराष्ट्रिय सहयोग नियोग (जाइका र युरोपेली लगानी बैक (इआइबी)को लगानी रहने छ ।
आगामी असोजभित्रमा ठेकेदार कम्पनी छनोट गरी निर्माण सुरु गर्ने योजना बनाएको आयोजनाको २०७९ असोज भित्र निमार्ण सम्पन्न गर्ने लक्ष्य छ ।
