एबिआईले हकप्रदमा नबिकेको चार लाख ६९ हजार ५२ दशमलव ६० कित्ता साधारण सेयर लिलाममा राखेको हो । साउन १६ गतेसम्म लिलाममा लगानीकर्ताले सहभागिता जनाउन सक्नेछन् । बैंकको सेयर निष्काशन तथा बिक्री प्रबन्धक एनएमबी क्यापिटलबाट सेयरका लागि आवेदन गर्न सकिनेछ । लिलामको बोलकबोल साउन १७ गते 
दिउँसो ३ ३० बजे एनएमबि क्यापिटल लिमिटेड नागपोखरीमा खुला हुने क्यापिटलले जनाएको छ ।
त्यसै गरी ज्योति विकास बैंकले पनि हकप्रदमा नबिकेर एक पटक लिलाममा राख्दा पनि नबिकेको सात लाख ७० हजार ४७ दशमलव ६० कित्ता संस्थापक सेयर फेरी लिलाममा राख्ने भएको छ । यस अघि बैंकले संस्थापक समूहको २८ लाख १२ हजार ३३६ कित्ता सेयर लिलाममा राखेको थियो ।
पहिलो पटक लिलाममा बिक्री हुन नसकेको सेयर बैंकले साउन १६ गतेदेखि २३ गतेसम्म लिलाम गर्न लागेको हो । बैंकको सेयर निष्काशन तथा बिक्री प्रबन्धक सिद्धार्थ क्यापिटलमा गएर सेयर लिलाममा आवेदन गर्न सकिनेछ । लिलामको बोलकबोल साउन २५ गते बिहान सात बजे सिद्धार्थ क्यापिटलको कार्यालयमा खोलिने बताइएको छ ।
