सरकारको तीन अर्ब ९६ करोड पूँजी थप हुने भएपछि कम्पनीको चुक्ता पूँजी अब चार अर्ब एक करोड हुने भएको छ । यसअघि पूँजी पाँच करोड मात्र थियो ।
काठमाडौको न्युरोडमा बिशाल बजार स्थापना हुने समयमा सरकारले दिएको जग्गाको हिसाब नभएकाले सो जग्गाको मूल्यांकनलाई सेयरमा बदली गर्दा सेयर संचरना फेरिएको हो । अब अधिकांश सेयर अर्थ मन्त्रालयको भएको छ । बिशाल बजार कम्पनीलाई कब्जा गरेर बसेका संचालकहरुले सरकारको जग्गा वापतको सेयर दिन नमानेपछि अदालतमा मुद्धा परेको थियो ।
बिशाल बजार कम्पनीमा भएको अनियमितता र अख्तियार दुरुपयोग अनुसन्धान आयोगले थालेको छानविनका कारण नेप्सेमा उसको सेयर कारोबार लामो समयदेखि रोकिएको छ ।
कम्पनीले यही साउन ३१ गते चौतिसौ बार्षिक साधारण सभा आयोजना गरी सेयर संरचना परिवर्तन र लेखापरीक्षण प्रतिबेदन पारित गर्ने लगायतका कार्यसूची सार्वजनिक गरेको छ ।
बिशाल बजार कम्पनीले २०७२ सालको तेस्रो त्रैमासिक बित्तीय बिबरण सार्वजनिक गर्दा पाँच करोड ५३ लाख रुप्रयाँ खुद नाफा कमाएर प्रतिसेयर आम्दानी ११० रुपैयाँ देखाएको थियो । अब पूँजी बढेसँगै त्यसमा पनि ब्यापक परिवर्तन आउने भएको छ । उसको सेयर मूल्य कारोबार बन्द हुनुअघि २०३० रुपैयाँ प्रतिकित्तामा कारोबार भएको थियो ।
............................................................................................................................................................................
घरमा बसेर अनलाइनबाट डिम्याट खाता खोली एक लाख रुपैंयाको बीमा सित्तैमा गराउनुहोस् ।