बीमा समितिले पूँजी वृद्धि योजना ल्याएपछि धमाधम बीमा कम्पनीहरुले बीमा समितिमा पूँजी योजना बुझाउने क्रम बढेपछि लगानीकर्ताहरु यसतर्फ आर्कषित भएका छन ।
साथै बीमा कम्पनीले बीमा कम्पनीहरुको दायरा बढाउने गृहकार्य थालेकाले आगामी दिन बीमा कम्पनीको बजार विस्तार हुने आशमा पनि लगानीकर्ता बीमा कम्पनीतर्फ तानिएका हुन ।
अर्कातर्फ बजारमा बैकिङ समूहको तुलनामा बीमा कम्पनीहरुको सेयरसंख्या कम भएकाले पनि यसको माग बढ्दा मूल्य उचालिन पुगेको हो । जसले गर्दा पछिल्ला केही दिन यता सेयरबजारमा बीमा समूहको कारोबार उच्च हुँदै आएको छ । मंगलबारको बजारमा पनि बीमा समूह कै धेरै कारोबार भयो । कुल १५६ कम्पनीको करिब ९५ करोड बराबरको सेयर किनबेच हुँदा बीमा समूहको ३८ करोड ९५ लाख बराबरको कारोबार भयो । बीमा समूहको सूचक समेत १५७ अंकले बढेको छ ।
यसदिन राष्ट्रिय बीमा कम्पनीको संस्थापक शेयर सबैभन्दा धेरै १० करोड रुपैयाँ बराबरको कारोबार भयो । मंगलबारको बजारमा उच्च कारोबार हुने दश कम्पनीको सूचिमा समेत बीमा कम्पनीनै रहेका छन ।
यसदिन राष्ट्रिय बीमा कम्पनीका शेयर धनीले सबैभन्दा बढी १० प्रतिशतका दरले कमाएका छन्। राष्ट्रिय बीमा कम्पनीको संस्थापक तथा साधारण दुवैतर्फको सेयरमूल्य दश प्रतिशतका दरले बढेको छ । त्यस्तै हिमालयन डिष्टलरी,नाङ्दी पावर र लुम्बिनी विकास बैंकको सेयरमूल्य पनि नौ प्रतिशत बढीले उकालो लाग्यो । सबैभन्दा धेरै गुमाउने सिनर्जीपावरको सेयरमूल्य चार प्रतिशतले घटेको छ ।
............................................................................................................................................................................
घरमा बसेर अनलाइनबाट डिम्याट खाता खोली एक लाख रुपैंयाको बीमा सित्तैमा गराउनुहोस् ।
